Arealoverføring

Først må du sjekke om føremålet med delinga er i samsvar med gjeldande arealplan. Dersom det du skal bruke arealet til er i strid med gjeldande arealplan, må du søke om dispensasjon. 

• Planar og føresegner for din eigedom finn du under "Finn planar"
• Informasjon om dispensasjonssøknad finn du under "Dispensasjon"

Her finn du søknadsskjema for arealoverføring.

• Søknadsskjema for søknad om deling eller endring av eigedom
• Skjema for Erklæring om arealoverføring

Skjema må vere signert av alle eigarane som er involvert. 

Kartet/situasjonsplanen skal du legge ved søknaden. Du må gjere greie for kor stort areal søknaden gjeld. 

• Bruk gjerne kommunekart når du teikner inn nye grenser
• Du kan også ta kontakt med teknisk avdeling for bestilling av kart.

Når du har samla alle dokument du treng til søknaden din, må du varsle naboar.

• Bestill naboliste frå teknisk avdeling
• Skjema: Nabovarsel - sendast til nabo med vedlegg.
• Skjema: Kvittering for nabovarsel - kopi sendast saman med søknad til kommunen
• Skjema: Opplysningar gjeve i nabovarsel - sendast saman med søknad til kommunen
• Informasjon om korleis du nabovarslar

Søknad om arealoverføring skal innhalde følgjande:

• Søknadsskjema for "Søknad om deling eller endring av eigedom"
• Søknadsskjema for "Erklæring om arealoverføring"
• Skjema for "Kvittering for nabovarsel" og "Opplysningar gjeve i nabovarsel"
• Eventuelle merknader frå nabo med søkar sin kommentar
• Situasjonsplan/kart som syner det arealet du vil arealoverføre
• Eventuelle erklæringar i samband med vegrett og/eller vatn- og avlaupsanlegg inkludert leidningar.
• Eventuell søknad om dispensasjon

Søknaden kan du sende skriftleg til kommunen på forskjellige måtar:

• Send søknad på e-post: post@fjaler.kommune.no
• Send søknad i brevform til: Fjaler kommune, Dalstunet 20, 6963 Dale i Sunnfjord
• Møt opp på Fjalerhuset og lever søknad til mottaket i 1.etasje

• Grunneigar - den som er registrert som heimelshavar(ar) i grunnboka
• Personar som gjennom ein rettskraftig dom er kjent som eigar til den delen av eigedommen som vert ønska endre

Dersom andre enn dei personane som nemnt ovanfor står som søkar, må det leggast fram skriftlet fullmakt som dokumenterer retten til å vere søkar. 

Her finn du betalingssatsar, gebyr og avgifter for kommunale tenester i Fjaler kommune. 

Betalingssatsar, gebyr og avgifter i Fjaler kommune

Sakshandsamingstid for delingssaker utan dispensasjon er normalt 3 veker. Sakshandsamingstid for byggesaker med dispensasjon er normalt 12 veker. 

Desse årsakene vil kunne forlengje sakshandsamingstida di:

• Søknaden din er mangelfull og du må ettersende dokumentasjon
• Naboen din har merknad til søknaden
• Søknaden din må på høyring til offentlege instansar - t.d. Statsforvaltaren eller Fylkeskommunen
• Stor saksmengde hjå sakshandsamar

Før ei godkjent arealoverføring kan bli gjennomført må du rydde opp i eventuelle pengeheftelsar og urådigheiter som råkar eigedommen som skal avgi areal. Når alt er ordna vil landmålaren innkalle partane til oppmålingsforretning på staden. 

Erklæring om arealoverføring

Dersom det er forskjellig eigar på kvar side av grensa må skjemaet "Erklæring om arealoverføring" bli fylt ut. Skjemaet fungera som ei skøyte og sikrar at arealet blir overført frå den tidlegare til den nye eigaren. Tinglysinga reknar 2,5 % av marknadsverdien. 

Vilkår

Arealoverføring er ei deling av grunneigedom, der deling, overskøyting, og samanslåing skjer i same sak. Det vert ikkje oppretta eit nytt bruksnummer på arealet slik som ved vanleg deling. Kriteria for gjennomføring er avhengig av eigarforholda på dei aktuelle eigedommane som er involvert. 

• Det må ligge føre tinglyst erklæring om pantefråfall frå innehavar av registrerte pengeheftelsar. 
• Det må ligge føre erklæring om samtykke frå innehavar av registrerte urådigheiter. 
• Kommunen gjennomfører ikkje saka før alle pengeheftelsar er ordna. 
• Dersom involverte eigedommar har forskjellig eigar må skjema "Erklæring om arealoverføring" bli fylt ut. 
• Alle registrerte eigarar og festarar på eigedommen som skal avgi areal må samtykke til arealoverføringa. 
• Det kan kun vere to involverte eigedommar i arealoverføringa. 
• Vilkåra for arealoverføring går fram av Matrikkelforskrifta § 33.