Deling eller endring av grunneigedom

Søknad om deling/endring av eigedom skal innhalde følgande, jamfør byggesaksforskrift SAK10 §5-4:

• Skjema for søknad om deling eller endring av eigedom (PDF, 3 MB)
• Kvittering for nabovarsel og Opplysningar gjeve i nabovarsel. Naboar og gjenbuarar skal nabovarslast. Dersom det vert søkt om dispensasjon skal dette bli varsla. Søknaden skal ikkje sendast til kommunen før frist for nabomerknader er gått ut eller at desse har kvittert for at dei ikkje har merknader.
• Eventuelle merknader for naboar. Merknadane skal leverast/sendast deg som søkar og du skal kommentere desse og sende dei saman med søknaden om deling/endring av eigedom til kommunen. 
• Situasjonsplan som syner korleis tomta kan byggast ut. Situasjonen må syne eksisterande eigedomsgrenser, eksisterande bygningar, vegtilkomst, naudsynt areal til parkering og uteopphaldsareal, samt vatn- og avløpsaanlegg som leidningar og kummar. Det må skisserast inn at planlagde bygningar kan plasserast på tomta med uteopphaldsareal. Kartgrunnlag må vere i målestokk M=1:1000, eventuelt M=1:500, av nyare dato. Du kan kontakte kommunen for å få kart som du kan nytte for innteikning. 
• Eventuelle merknader og avgjerder frå andre styresmakter kan leggast ved søknaden (SAK10 §6-2). Dersom du sjølv ikkje innhentar slike løyver, vil kommunen gjere dette. 
• Eventuelle erklæringar i samband med vegrett og/eller vatn- og avlaupsanlegg inkludert leidningar. Dersom veg og/eller vatn- og avløpsanlegg, inkludert leidningar, går over annan grunneigar sin eigedom, må du legge ved erklæring om at den nye eigedommen har rett til å ha liggande og har rett til vedlikehald av slike anlegg på annan manns grunn. Du kan nytte eige skjema for dette. Skjema finn du på Statens kartverk si heimeside. Det kan også vere at den opphavelege eigedommen må gje omsøkt frådelt eigedom slike rettar. Slike erklæringar vil vi då sende med til tinglysing saman med tinglysing av ny eigedom. Det må leggast ved kart som syner kor desse rettane ligg. 
• Eventuell søknad om dispensasjon. Dersom søknaden krev dispensasjon frå plangrunlaget eller andre føresegner, vert det kravd grunngjeven søkand etter pbl §19-1. Søknaden kan du skrive på eige ark. 

• Grunneigar - den som er registrert som heimelshavar(ar) i grunnboka
• Personar som gjennom ein rettskraftig dom er kjent som eigar til den delen av eigedommen som vert ønska frådelt
• Personar som har innløyst festegrunn etter lov om tomtefeste

Dersom andre enn dei personane som nemnt ovanfor står som søkar, må det leggast fram skriftleg fullmakt som dokumenterer retten til å vere søkar. 

• Deling/endring av eigedom må vere i samsvar med gjeldande arealplan (kommuneplanen sin arealdel eller reguleringsplan). Delinga må vere til sama føremål som området er sett av til i planen. Dersom dette ikkje er tilfellet på søknadstidspunkt, må det gjevast dispensasjon frå gjeldande arealplan eller løyve til endring av slik plan. For meir informasjon, sjå eiga side om dispensasjonssøknad. 
• Dersom plankartet syner tomtegrenser, må dei nye grensene vere i samsvar med dei ulike planføresegnene. Dette kan t.d. vere krav til utnyttingsgrad, minste uteopphaldsareal, parkeringsareal. Dette må ivaretakast både for ny og attverande eigedom. Dersom dette ikkje er tilfellet, kan det søkast om dispensasjon frå dette, jamfør pbl §19-1. 
• Den nye eigedommen må vere i samsvar med plan- og bygningslova sine krav til tilgang på vatn, avlaup og tilkomst til byggetomt, jamfør pbl kapittel 27. Tilknyting for veg, vatn og avlaup er vesentleg for om eigedommen kan byggast på. 
• Der det ikkje er mogleg å kople seg til offentleg leidningsnett for avlaup, må det leggast fram godkjent privat løysing i samsvar med forureiningslova.
• Dersom eigedommen har avkøyring frå offentleg veg, må du innhente løyve til avkøyrsle frå vedkomande vegmynde. 
• I samsvar med pbl §28-1 kan ikkje ny eigedom opprettast før den er tilstrekkeleg trygg mot fare eller vesentleg ulempe som følge av natur- eller miljøforhold. Det same gjeld for endring av eksisterande eigedom. 
• Dersom arealet som vert søkt frådeling/endra er ein del av ein landbrukseigedom, må søknaden også vere handsama og godkjent etter jordlova §§9 og 12. Omdisponering av areal, t.d. for vegtilkomst som ikkje skal frådelast, må godkjennast etter §9 i jordlova. Sakshandsaming etter jordlova vert utført av landbrukskontoret for kommunen. 

Eit løyve til frådeling/oppretting eller endring av eigedom inneber at det er gitt offentleg løyve til at nye grenser kan opprettast/endrast. Ein byggesøknad avgjer kva som konkret kan byggast på arealet. 

Dersom søknaden krev dispensasjon frå arealplan, eller andre føresegner knytt til plan- og bygningslova, må det også ved søknad om byggeløyve søkast om dispensasjon frå arealplan og andre bestemmelsar. Det kan difor i nokre tilfeller vere aktuelt å søke om løyve til dispensasjon for deling og bygging samstundes. Dersom planlagt tomt har ei utfordrande plassering i forhold til bruken, til dømes bustadtomt nærme sjø eller i landbruksområder, kan det vere ein fordel å søke om dispensasjon på førehand for å få avklart om omsøkt plassering kan godkjennast. 

Du kan forvente svar innan tre veker etter at søknaden er motteke av kommunen, dersom søknaden din tilfredsstiller følgande vilkår etter pbl §21-7:

• Søknaden er komplett, det vil seie at den innheld all naudsynt informasjon for å kunne handsame søknaden. 
• Frådelinga er i samsvar med føresegner i eller i medhald av pbl (er i samsvar med arealplan eller dispensasjon er innhenta på førehand, og krav til veg, vatn, avlaup og at omsøkt eigedom er tilstrekkeleg sikra mot fare eller vesentleg ulempe som følgje av natur- og miljøtilhøve. 
• Det er ikkje naudsynt med ytterlegare løyve, samtykke eller uttale frå anna styresmakr
• At det ikkje føreligg nabomerknader.
• Kommunen ikkje har gjeve deg beskjed om forlenga sakshandsamingsfrist etter SAK10 §7-3.

Dersom desse vilkåra ikkje er oppfylt, har kommunen ein sakshandsamingsfrist på 12 veker frå komplett søknad føreligg. Det er tillegg for den tida søknaden ligg til høyring hjå regionale eller statlege styresmakter (normalt 4 veker). 

Her finn du betalingssatsar, gebyr og avgifter for kommunale tenester i Fjaler kommune. 

Betalingssatsar, gebyr og avgifter i Fjaler kommune

Eksempel gebyroppstilling - deling ny bustadtomt i uregulert område:

Gebyr henta frå Gebyrliste 2023

Søknaden kan du sende skriftleg til kommunen på forskjellige måtar:

• Send søknad til post@fjaler.kommune.no
• Send søknad i brevform til: Fjaler kommune, Dalstunet 20, 6963 Dale i Sunnfjord
• Møt opp på Fjalerhuset og lever søknad til mottaket i 1.etasje