Oppmåling av eigedom

Søknaden må vere signert av grunneigar (heimelshavar). Ved ei grensejustering må alle partar vere einige om kor grensa skal gå.

Fyll ut og gjer klar rekvisisjon

• Søknadsskjema: Rekvisisjon av oppmålingsforretning
• Situasjonskart der du har merka av grensa som skal målast opp. 

Kartgrunnlag finn du på kommunekart, eller du bestiller det hos teknisk avdeling.

Send inn rekvisisjon

• Send rekvisisjon på e-post: post@fjaler.kommune.no
• Send rekvisisjon i brevform til: Fjaler kommune, Dalstunet 20, 6963 Dale i Sunnfjord
• Møt opp på Fjalerhuset og lever rekvisisjon til mottaket i 1.etasje

Vi tar kontakt med deg og avtalar tidspunkt for møte og oppmåling.

• Dato for oppmålingsforretning blir avtalt med rekvirent. Naboar og rettighetshavarar til eigedommen blir varsla minst 14 dagar før oppmålingsforretning.
• Dersom ein skal møte i stadanfor nokon som er varsla, må vedkomande ha med seg skriftleg fullmakt frå heimelshavar.
• Under oppmålingsforretninga er det partane shølv som påviser eigne grenser i samsvar med søknad. Oppmålingsmyndigheit opptrer som nøytral part, men skal hjelpe til med å kontrollere at grensepåvisning skjer i samsvar med søknad, tinglyste målebrev, skylddelingar og andre relevante sakspapir. Grensepunkt blir merka med godkjente grensemerker, og målt inn med GPS/totalstasjon. 
• Det blir ført protokoll under forretninga. Denne seier kva som er utført og avtalt under oppmålingsforretning. 
• Etter at oppmålingsforretning er gjennomført og alle vilkår er oppfylt, blir grenser ført inn i matrikkelen. 
• Dokumenta blir deretter sendt til statens kartverk for tinglysing.
• Rekvirent får tilsendt nye matrikkelbrev, og dei andre aktuelle partar får tilsendt ei underretning.

Sakshandsamingsfrist for oppmålingsmyndigheit er 16 veker. 

Ved delingsløyve eller arealoverføring er det 3 veker klagefrist på vedtaket, og ved oppmåling i desse sakene kan difor sakshandsamingsfristen verte forlengja til 19 veker. 

Her finn du betalingssatsar, gebyr og avgifter for kommunale tenester i Fjaler kommune. 

Betalingssatsar, gebyr og avgifter i Fjaler kommune