Søke om Serveringsløyve

Når treng du serveringsløyve?

• Du treng serveringsløyve om du skal starte ein serveringsstad der det skal serverast mat og/eller drikke. Skal du servere alkohol må du i tillegg ha skjenkeløyve.
  • Les om skjenkeløyve på heimesida vår
• Har du overtatt ein eksisterande serveringsstad, kan du drive vidare på tidlegare eigar sitt løyve medan du ventar på at søknaden vert behandla. Dette gjeld i ein overgangsfase på tre månader og berre om bestemte vilkår er oppfylt. 

Slik får du serveringsløyve

• Dagleg leiar ved serveringsstaden må ha bestått etablerarprøva for å kunne søke om serveringsløyve. Løyve vert gitt til selskapet som eig staden. 
  • Les om etablerarprøve på heimesida vår
• Serveringslova stiller krav om uklanderleg vandel.
• Er det eit eigarskifte, må du søke om eige serveringsløyve seinast 30 dagar etter at du teikna avtale om overtaking. 
   

Slik søkjer du:

Du sender elektronisk søknad til Fjaler kommune.

Søk om serveringsløyve

Du vil bli bedt om å laste opp vedlegg, søknaden vil ikkje bli behandla før alle nødvendige vedlegg er mottatt.

Vedlegg til søknad:

• Stadfesting på bestått etablerarprøve
• Firmaattest
• Teikning av lokala inne og ute
• Eventuell leigekontrakt
• Dokumentasjon av dagleg leiar si tilsetting
• Kopi av melding til Mattilsynet
• Løyve frå bygningsmyndigheitene på bruk av lokala til serveringsverksemd.
   

Ending i løyve

Endringar i løyve skjer ofte fleire gonger i løpet av løyveperioden. Dette kan skje til dømes ved skifte av dagleg leiar, endringar i driftskonsept og endringar i eigarforholda. Slike endringar krev ofte ny godkjenning, eventuelt nytt løyve.

Kor lang tid tar det å få svar?

Søknadane vert behandla fortløpande.  Saksbehandlingstida kan vere inntil 2-3 månader frå du har sendt oss alle nødvendige opplysingar og dokument, men det vil vanligvis gå raskare enn det.

Saksgang:

Søknaden vert sendt til politiet og skatte- og avgiftsmyndigheitene for uttale. Behandlingstida kan bli lengre dersom høyringsinstansane bruker lang tid, har merknader til søknaden, eller om du gjer endringar undervegs i behandlinga av søknaden.