Ergoterapi og hjelpemiddel

Korleis får vi tilbod?

Ved å ta kontakt med tenesta på telefon, eller ved å henvende seg direkte på besøksstad. Vi tek også i mot tilmeldingar frå fastlegar, sjukehus og andre. E-post kan også brukast for å få kontakt, men hugs at det ikkje må sendast sensitiv informasjon på e-post.

Kva tenestetilbod har vi?

Vi tilbyr ulike formar for oppfølging av ergoterapeut, mellom anna:

• Rehabilitering og anna oppfølging i institusjon

• Førebyggande heimebesøk

• Vurdering, tilpassing og oppfølging av hjelpemiddel

• Bustadrådgjeving

• Kvardagsmeistring og kvardagsrehabilitering
   

Synskontakt og høyrselskontakt

Ergoterapeut er òg synskontakt og høyrselskontakt i kommunen og vil kunne følgje opp nye høyreapperatbrukarar, bidra til bruk og stell av høyreapperat, fange opp behov i høve nye/etablerte brukarar, samt proppavstøyp ved særskilte behov.

Hjelpemiddel

Eit hjelpemiddel er ein gjenstand som bidreg til å redusere praktiske problem for personar med nedsett funksjonsevne. Hjelpemiddel kan gje betre funksjon, eller det kan kompensere for tapt funksjon.

Les meir om lån av hjelpemiddel