TV-aksjonen 2026 går til aksjonen til NRC Flyktninghjelpen - Bli bøsseberar du og!

Sjølv om dei fleste i dag vel å betale digitalt, er det framleis viktig å gå frå dør til dør på aksjonsdagen. Bøsseberarane er med på å gjere folk merksame på TV-aksjonen, minne dei på å bidra og dele ut informasjon om Vipps og andre betalingsmåtar

Pengane som blir samla inn, skal bidra til at menneske på flukt får hjelp og støtte i nokre av dei mest alvorlege humanitære krisene i verda.

NRC Flyktninghjelpen er Noregs største humanitære organisasjon og hjelper menneske på flukt i seks område som er ramma av akutte kriser: Gaza, DR Kongo, Sudan, Syria, Tsjad og Afghanistan.

På TV-aksjonen si heimeside kan du lese meir om kva pengane som blir samla inn går til

Slik melder du deg som bøsseberar:

• Send e-post til Marte Haugsbakk på Mart_haugsbakk@hotmail.com og skriv kva rode du ynskjer å gå.
• Eller meld deg inn gjennom TV-aksjonen/bli bøsseberar. Då får vi melding om at du har verva deg som bøsseberar og tek kontakt med deg.

Område der vi treng bøsseberarar:

• Vi treng bøsseberarar til følgande roder i Dale og omegn:
  • Hatledalen, 2 bøsseberarar
  • Vassdalen (Lynje, Rakneberg, Stav, Strand), 1 bøsseberar 
  • Jarstad/Berge, 1 bøsseberar
  • Gota, Håland, Hålandsfossen, 1 bøsseberar
  • Skadalen, Ormehaugane, Sletteland, 1 bøsseberar
• I grendene Guddal, Flekke, Straumsnes, Våge og Hellevik er det grendelaga som vervar bøsseberarar, ta kontakt med leiaren i grendelaget eller sei JA dersom dei prøver å verve deg. Vi hjelper gjerne til med å formidle kontakt.
• I Dale sentrum stiller elevar frå UWC opp kvart år og går med bøsse for TV-aksjonen

Vi håper å høyre i frå deg!

Helsing kommunekomitèen i Fjaler:

Marte Haugsbakk (leiar), Marthe Eimind, Jostein Jarstad og Lene Dingsøyr.
 

TV-aksjonen 2026