Kunngjering av vedtak - Kommuneplanen sin samfunnsdel 2026 - 2038

Oppstart av planarbeidet og høyring av planprogrammet vart vedteke i Fjaler kommunestyre 19.12.2024. Sidan då har ein jobba med planprogram og utarbeiding av ny samfunnsdel for Fjaler kommune. 

Les informasjon om kunnskapsgrunnlag, planprogram og medverknadsaktivitetar gjennom arbeidet. 

Kommuneplanen sin samfunnsdel er kommunen sitt overordna styringsdokument, som skal ta stilling til langsiktige utfordringar, overordna mål og strategiar for kommunesamfunnet som heilskap og kommunen som organisasjon. 

Samfunnsdelen har fem satsingsområde:

1. Gode kvardagsliv for alle
2. Næringsutvikling og verdiskaping
3. Berekraftig omstilling i klima, miljø og naturarbeidet
4. Heilskapleg og framtidsretta bustadpolitikk
5. Attraktiv arbeidsgjevar og berekraftig tenesteproduksjon

Kommuneplanen sin samfunnsdel vart vedteken i kommunestyret i Fjaler kommune 18.06.26.

Sjå kommuneplanen sin samfunnsdel 2026 - 2038 i Framsikt.