Vaksenopplæring og integrering

Retten til opplæring omfattar til vanleg dei faga ein treng for å få vitnemål for fullført grunnskuleopplæring for vaksne. Opplæringa skal tilpassast behovet til den enkelte.

Reglar for rett til grunnskuleopplæring for vaksne:

For å ha rett til grunnskuleopplæring må du

• vere over opplæringspliktig alder ( 16 år)
• ikkje ha rett til vidaregåande opplæring
• ha lovleg opphald i Norge
• ha behov for grunnskuleopplæring

Retten til grunnskule for vaksne gjeld og dei som har fullført grunnskulen, men som likevel treng meir grunnskuleopplæring. Retten er regulert i opplæringslova:

• Les om retten til grunnskule for vaksne i opplæringslova kap 4A 
• Sjå rundskriv  om vaksne sin rett til grunnskuleopplæring på Udir.no

Samarbeid med Askvoll kommune om opplæring

Fjaler kommune har eit samarbeid med Askvoll kommune om grunnskule for vaksne. Opplæringsstaden er på Askvoll skule.
 

Vaksenopplæringa har tilbod til vaksne innvandrarar

Innvandrarar med opphaldsløyve har rett og plikt til opplæring i minimum 300 timar. Av desse timane skal 50 timar vere samfunnsfag.

Du finn meir om rett og plikt til norskopplæring på imdi.no
 

Målgruppe

Utanlandske kvinner og menn mellom 16 og 55 år som har opphaldsløyve som gir grunnlag for permanent opphaldsløyve. Dette inkluderer:

• asylantar
• overføringsflyktningar
• arbeidsinnvandrarar og familiemedlemmene deira
• personar med opphald på humanitært grunnlag og familiegjenforeinte til desse
• familiegjenforeinte med norsk eller nordisk borgar busett i Noreg
   

Kva kostar det?

• Grunnskule for vaksne er gratis dersom du er over 16 år, har lovleg opphald i landet, og har behov for grunnskuleutdanning

• For elevar utan rett til opplæring etter opplæringslova, sjå pris for vaksenopplæring og prøver:

Slik søkjer du:

Ta kontakt på telefon eller e-post med vaksenopplæringa:

Rektor for vaksenopplæringa Guro Osland Ness
Telefon: 57 73 80 72
E-post: Guro.Osland.Ness@fjaler.kommune.no

Kommunalsjef Ingeborg Tysnes
Telefon: 57 73 80 44
E-post: Ingeborg.Opdol.Tysnes@fjaler.kommune.no

Meir om vaksenopplæring og grunnskuleopplæring