Barnehagemynde si rolle
Barnehagemynde har som oppgåve å fatte vedtak om godkjenning av barnehagar, handsame søknader om dispensasjonar og finansiere private barnehagar. I tillegg kjem andre oppgåver som følgjer av barnehagelova med forskrifter.
Barnehagemynde har tre verkemiddel til disposisjon: rettleiing, tilsyn og godkjenning.
Å sikre at regelverket blir halde, inneber både ein aktivitet for å vurdere risiko for brot på barnehagelova med forskrifter, og ei plikt til å bruke verkemidla slik at barnehageeigaren sin praksis er i samsvar med regelverket.
Barnehagane i Fjaler kommune
I Fjaler kommune har vi tre kommunale barnehagar: Yksnebjør barnehage, Flekke barnehage og Våge barnehage. I tillegg har vi éin privateigd barnehage: Elvetun barnehage.
For å sikre rettstryggleiken til barnehageeigar og legitimiteten til arbeidet, er kommunen si eigarrolle i barnehagesektoren skilt frå myndigheitsrolla. Eigarrolla er lagt til kommunalsjef for oppvekst, medan barnehagemynde er lagt til ei stilling utanfor tenesteområdet oppvekst.
Oppgåvene til barnehagemynde
Barnehagemynde har som oppgåve å fatte vedtak om godkjenning av barnehagar, handsame søknader om dispensasjonar og finansiere private barnehagar. I tillegg kjem andre oppgåver som følgjer av barnehagelova med forskrifter.
Barnehagemynde kan gje pålegg om retting av ulovlege eller uforsvarlege tilhøve ved godkjende eller godkjenningspliktige verksemder. Avgjerda om å gje pålegg om retting av uforsvarlege tilhøve skal fungere som ein tryggleik, og samstundes fange opp tilhøve som ikkje er direkte regulerte i barnehagelova, men som kan føre til uforsvarlege tilhøve for barna sin trivsel, leik, læring og utvikling i barnehagane.
Slik går du fram dersom du ikkje er nøgd med tilbodet i barnehagen
For at det skal vere best mogleg samarbeid mellom heim og barnehage, bør ein forsøke å løyse alle tilbakemeldingar i næraste ledd. Pedagogisk leiar på avdelinga bør først få tilbakemeldinga.
Dersom du opplever at saka ikkje blir løyst, kan foreldre/føresette ta kontakt med styrar i barnehagen. Det er styraren i barnehagen som er ansvarleg for tilbodet, og som skal samarbeide med alle foreldre og føresette.
Dersom det gjeld generelle forhold i barnehagen, kan du også ta det opp med samarbeidsutvalet i barnehagen. Alle barnehagar skal ha eit samarbeidsutval som består av representantar frå foreldre og personale i barnehagen, og eventuelt barnehageeigar.
Statsforvaltaren er siste klageinstans.
Dersom du ønskjer å gå vidare med klaga eller uroen din, kan du ta kontakt med barnehagemynde i Fjaler kommune.
Kontaktinformasjon til Barnehagemynde i Fjaler kommune:
Lov og regelverk