Slik fyller du ut vedlegg til søknadsskjema for utsleppsløyve for hus og hytter

Vedlegg A: Namn på nøytral fagkyndig (person/firma) som har hjelp til med val av reinsemetode og/eller dokumentasjon av reinsegrad

Her skal du føre opp kven (nøytral fagkyndig person/firma/leverandør) som har hjelpt deg med utforming og dimensjonering av reinseanlegg, og dokumentasjon av reinsegrad. Ver merksam på at dokumentasjon av reinsegraden til anlegget skal vere utført av ein nøytral fagkyndig.
Dersom du skal installere eit ferdigprodusert minireinseanlegg, må dette vere testa i samsvar med NS-EN 12566-3. Sjekk reinsegraden som er ført opp på CE-merket til minireinseanlegget, tilfredstiller reinsekravet for ditt utslepp (du har ført opp reinsekrav under punkt 5).
For alle andre reinseløysingar må du dokumentere at du har nytta anerkjend dimensjonering og utforming.

Vedlegg B: Grunngjeving for ønske om unntak frå standardreinsekrav §§12-8 til 12-9 /lokale reinsekrav eller relevant dokumentasjon

Vedlegg C: Dokumentasjon av reinsegrad, jamfør §12-10, og beskriving av anlegg

Vedlegg D: Plassering av avløpsanlegg, utsleppstad, eigedomsgrenser og vegtilkomst (for slamtømming, vedlikehald og så vidare) på kart i målestokk 1:5000 eller større

Vedlegg E: Liste over eigedommar som er tilknytte avløpsanlegget med gardsnummer, bustadnummer og adresse

Vedlegg F: Oversikt over interesser som søknaden vedkjem (drikkevassforsyning, rekreasjon, næringsverksemd og så vidare). Beskriving av tiltak for å motverke interessekonfliktar og tiltak for å sikre helse og miljø

Brukarinteresser knytte til utsleppsstaden vil ha stor betydning for plassering og utforming av reinseanlegg eller utsleppspunkt. Vedlegget skal innehalde ei vurdering av interesser som kan/vil bli rørte ved av utsleppet (for eksempel drikkevatn og brønnar, jordvatning, leikeplassar, bading, fiske, turløyper og så vidare), og plasseringa til utsleppstaden når det gjeld brukarinteresser. Dersom du er i tvil, kan det vere nyttig å kontakte ein fagkyndig som kan gjere ei nøytral vurdering.

Vedlegg G: Oversikt over kven som er varsla/nabovarsel

Alle naboar og aktuelle partar skal varslast 4 veker før søknaden blir send.
Du må lage ei liste over kven som har blitt varsla, og du må leggje ved kvittering på at det er sendt varsel til dei respektive (for eksempel kvittering på rekommandert sending eller underskrift.)
Du kan nytte same nabovarslingsskjema som for byggesak for nabovarsling og kvitteringsliste.

Vedlegg H: Eventuelle mottekne klagar/protestar