Kommunestyret

Politisk organisering 

Fjaler kommune vert styrt etter formannskapsmodellen, med kommunestyret som øvste politiske organ. 

Kommunestyret

Kommunestyret vert valt kvart fjerde år ved kommunestyrevalet. Fjaler kommunestyre består av 23 medlemer, med ordførar som leiar. 

Formannskapet

Fjaler formannskap er det nest øvste politiske organet i kommunen. Det består av 7 medlemer med varamedlemer, som alle er valt for fire år blant kommunestyret sine medlemer. 

Formannskapet sine funksjonar er fastsett i kommunelova, særlover og i delegeringsreglementet. 

Kommunestyrekomitéar 

Kommunestyret er delt inn i komitéar med fast fagområde som følgjer inndelinga av strukturen i administrasjonen med kommunalsjefar.  Komitéane har ikkje vedtaksmynde, men som saksførebuande organ skal dei legge fram ei tilråding til vedtak til kommunestyret. Alle politikarane i kommunestyret (med unntak av ordførar og kontrollutvalet sitt medlem) er valt inn i komitéane. Handsaminga i komitéane skjer i forkant av kommunestyremøtet same dag.