Send post digitalt på ein trygg måte

Korleis fyller du ut skjemaet? 

1. Logg inn med ID-Porten.
2. Felt som er merkte med * (raud stjerne), er obligatoriske.
3. Vel om du er privatperson (fødselsnummer), eller om du representerer ei verksemd (organisasjonsnummer).
4. Tittel: Skriv kort kva førespurnaden gjeld. Skriv gjerne saksnummer dersom du har det. 
5. Kommentar: Her kan du skrive inn meldinga di. 
6. Vedlegg: Du kan laste opp vedlegg. Dei fleste format kan brukast: PDF, PNG, JPEG, TIFF, XML, tekstfiler, MPEG-video, MP3 og WAV.
7. Klikk på «Send». Sendinga blir kryptert og sendt direkte til Fjaler kommune.
8. Du får ei kvittering med referansenummer på e-post eller SMS.

E-post er ein usikker kanal

Mange sender dokument til kommunen via e-post. Å sende dokument med e-post inneber større risiko for at personsensitive opplysningar kan kome på avvege. E-postar kan òg bli stoppa i eit spamfilter eller ikkje kome fram av andre årsaker.

Ikkje send helseopplysningar, fødselsnummer eller annan fortruleg informasjon på e-post. Bruk eDialog dersom du skal sende slike opplysningar til kommunen.

E-post kan framleis brukast til enkle spørsmål og generelle førespurnader som ikkje skal journalførast i kommunen sitt sak-/arkivsystem.

E-postadressa til kommunen er: Postmottak@fjaler.kommune.no

Fordelen med å sende post sikkert til kommunen

Du sender informasjon gjennom ein sikker kanal. Det gir ei trygg identifikasjon av kven som er avsendar.
Innsendt post blir sendt rett inn i vårt sak-/arkivsystem eller rett fagsystem. Vi tilrår at du brukar eDialog når du sender dokument til kommunen, også når innhaldet ikkje er unnateke offentleg innsyn.