Førehandskonferanse

Førehandskonferanse kan du bestille ved alle typar tiltak etter plan- og bygningslova. For tiltak der du sjølv kan søke om byggeløyve, kan du møte kommunen aleine. Dersom du er i tvil om tiltaket ditt er søknadspliktig eller ikkje, kan du og bestille ein førehandskonferanse. 

For søknadspliktige tiltak der fagfolk må stå ansvarleg for søknaden, bør ansvarleg søkar delta på førehandskonferansen. Førehandskonferansen blir holdt før ein eventuell byggesøknad blir sendt til kommuen. 

Kommunen pliktar å halde førehandskonferanse dersom du som tiltakshavar vil ha det. Før møtet skal du eller ansvarleg søkar gje kommunen dei opplysningar som er naudsynt for å halde konferanse. Dette vil som regel vere kart, teikningar, skildring, avklaring om dispensasjon osv. 

Sakshandsamingstid

Førehandskonferanse skal vere utført innan to veker etter at kommuenn har motteke krav om det. 

Dersom du vil ha ein førehandskonferanse med kommunen kan du sende ein skriftleg førespurnad til kommunen. Bestilling kan bli gjort ved e-post eller brev. 

Du må i bestillinga gjere greie for kva du vil bygge og på kva eigedom. Forhold som du vil ha avklaring på under konferansen må kommunen få vite om før møtet. Før møtet skal du eller ansvarleg søkar gje kommunen dei opplysningar som er naudsynt for å halde konferanse. Dette vil som regel vere kart, teikningar, skildring, avklaring om dispensasjon osv. 

Bestilling av førehandskonferanse kan du gjere ved å sende

• e-post til: post@fjaler.kommune.no 
• brevpost til: Fjaler kommune, Dalstunet 20, 6963 Dale i Sunnfjord 

Førehandskonferanse blir fakturert etter gebyrlista. Det vert sendt gebyr etter førehandskonferansen er halden, og gebyret for 1.førehandskonferanse vert sidan trekt frå ved fakturering av seinare byggesøknad. 

Her finn du betalingssatsar, gebyr og avgifter for kommunale tenester i Fjaler kommune. 

Betalingssatsar, gebyr og avgifter i Fjaler kommune