Ny takstering av eigedomar i Fjaler kommune 2025

Det betyr at no på hausten 2025 og fram mot til jul vil takstmenn frå Verditaksering Kjell Larsen AS (VKL) på oppdrag frå Fjaler kommune vere ute i felt og taksere eigedomar. Dei skal ha på seg gule vester og legitimasjon frå Fjaler kommune.

Dersom du som eigar ynskjer å vere med på synfaringa kan du melde dette tilbake til kommunen innan 4 veker frå du mottok brevet om taksering.  Du vil bli kontakta av takstmann når det nærma seg taksering for din eigedom.

Bruk vårt digitale skjema for å melde inn opplysning om du vil vere med på synfaring: 

Skjema for eigedomsskatt - opplysningar til taksering 

Taksering av private eigedomar

For bustadeigedomar skal vi i utgangspunktet nytte bustadverdien, de vil sei at vi nyttar formuesgrunnlaget frå skatteetaten til å berekne skatten. Desse eigedomane vil ikkje bli synfart.

Andre eigedomar som ikkje har formuesgrunnlag frå skatteetaten, landbrukseigedomar og fritidseiegdomar må takserast i felt. Det skjer ved utvendig taksering.

Taksering av næringseigedomar

Næringseigedomar har ikkje eit formuesgrunnlag, dei må synfarast og takserast i felt.

Taksering av næringseigedomar er meir detaljert enn bustader. Det kan difor vere behov for at dei som skal gjennomføre takseringa kjem inn i bygget. Dersom det er aktuelt vil du som eigar av næringseigedom bli kontakta.

Bruk vårt digitale skjema for å melde inn opplysning om om næringseigedom: 

Skjema for eigedomsskatt - opplysningar til taksering 

Kopi av utsendte brev i samband med taksering:

• Brev om eigedomsskatt og taksering for næringseigedom. (PDF, 665 kB)
• Brev om eigedomsskatt og taksering for eigedom som ikkje har bustadverdi hos Skatteetaten - varsel om synfaring. (PDF, 719 kB)
• Brev om eigedomsskatt og taksering for eigedom som har bustadverdi frå Skatteetaten og som ikkje skal synfarast. (PDF, 384 kB)

Lovverk

• Eigedomsskattelova, lovdata.no