Vedtak
I samsvar med plan- og bygningslova §19-2 vert det gjeve dispensasjon frå byggje- og deleforbodet jf. pbl. §1-8 i strandsona, dispensasjon frå angitt plassering for bebyggelse i plankart og dispensasjon frå føresegn §4 i reguleringsplan, for å oppføre ny fritidsbustad med tilhøyrande plassering av terrassar, parkeringsplass, septiktank, på eigedom gbnr 234/70.
Det setjast følgjande vilkår for løyvet:
- Ferdig golv senkast 30 cm til kote +8,1 moh. Gesimshøgdene reduserast med 40 cm. Dette gir maksimal gesimshøgd 3,8 meter (kote +11,9 moh), målt frå ferdig golv for hovudbygget. For oppstikkande element i stein, vert maksimal gesimshøgd 4,6 meter (kote + 12,7 moh), målt frå ferdig golv.
- Opparbeiding av utvendig areal i form av terrassar og parkeringsplass, samt plassering av septiktank, må gjerast på det arealet som allereie er opparbeidd og planert iht. tidlegare godkjent løyve. Det vert ikkje tillete ytterlegare vesentleg endring av terreng på eigedommen. Det går ikkje fram av søknad at det er nødvendig med vesentleg terrengendring for å gjennomføre omsøkte tiltak, men vilkåret vert sett som ei tydeleggjering. Parkeringsareal skal reduserast til 1 parkeringsplass. Opparbeiding av tun skal reduserast til kun det som er nødvendig for tilkomst.
- Maksimal BYA= 118 m2, inkl. 1 stk parkeringsplass
. - Bygget kan ha èin hovudfarge, i tillegg til planlagt element/fasade i naturstein, der den mørkare naturfargen er å føretrekke.
Dispensasjonen vert grunngjeven med at omsynet bak føresegna det dispenserast frå, eller omsyna i lova sine føremålsføresegner, ikkje vert vesentleg tilsidesett, ved å setje vilkår om senke og redusere kotehøgde for ferdig golv, samt å redusere maksimal gesimshøgde på bygget, slik at bygget ligg lågare i terreng og landskapsverknad totalt dermed vert redusert. Vi meiner at dette vil medverke til at ein kan oppretthalde ein intensjon i reguleringsplanen og pbl. §1-8, ved å søke å redusere landskapsverknaden og tiltak i 100-metersbeltet. Då det tidlegare er gjennomført byggemeldte tiltak i form av planering og sprenging på eigedommen, vert det vurdert at det er mest hensiktsmessig å plassere bygning i forhold til dette, for å unngå ytterlegare terrenginngrep. Eksisterande opparbeidd areal er vurdert å kunne ha lik effekt som omsøkte terrassar med tanke på unnvikande allmenn ferdsel i området, då hytteeigar vil kunne opphalde seg tilsvarande på eit opparbeidd flatt område i tilknyting fritidsbustaden sin som om det er terrasse der. Sett i lys av tidlegare løyve og presedens i området, at området er omfatta av ein eldre reguleringsplan der det er lagt opp til bygging av fritidsbustad i strandsona, bebygd areal er i tråd med forslag til ny kommuneplan sin arealdel, finn vi at fordelane med eit løyve er større enn ulempene, etter ei samla vurdering, då med tanke på å utnytte noverande tomt og gjenverande terreng på best mogleg og skånsam måte.
I samsvar med plan- og bygningslova § 21-4 vert oppføring av fritidsbustad på gbnr 234/70 godkjent.
Det setjast følgjande vilkår for løyvet:
- Vilkår i dispensasjonsløyvet vert oppfølgt.
- Det må ettersendast oppdatert situasjonsplan, og teikningar i tråd med vilkår sett i løyvet til dispensasjon med tanke på redusert høgde og justert plassering. Kommunen må stadfeste å ha motteke dette, før tiltakshavar kan gå i gang med byggearbeidet.
- Det er ein føresetnad at rettigheit til å føre vass- og avløpsleidning over annan manns eigedom, er sikra jf. plan- og bygningslova kapittel 27.
I samsvar med plan- og bygningslova §§20-3 og 23-8, byggesaksforskrifta §6-8, vert søknad om personleg ansvarsrett som sjølvbyggjar av eigen fritidsbustad godkjent som omsøkt. Sjølvbyggjar er ansvarleg for at tiltaka vil bli gjennomført iht. plan- og bygningslova, herunder byggteknisk forskrift (TEK17).
Utsleppsløyve vert handsama delegert i eige vedtak.
Behandling
Formannskapet føretok synfaring i saka.
Rådgjevar Inger Kristin Aamot og kommunalsjef teknisk Connie Hovland var med under handsaming av saka og orienterte, svara på spørsmål frå formannskapet.
Det vart lagt fram eit dokument i møtet- Illustrasjon - bearbeida foto frå synfaring 16.02.23.
Endringsframlegg frå formannskapet:
Endring 1.kulepunkt:
- kulepunkt utgår, då dette truleg vil medføre ytterlegare inngrep i eksisterande naturleg terreng/berg, jf. ny informasjon etter synfaring.
Endring 2. kulepunkt:
- Ferdig golv senkast 30 cm til kote +8,1 moh. Gesimshøgdene reduserast med 40 cm. Dette gir maksimal gesimshøgd 3,8 meter (kote +11,9 moh), målt frå ferdig golv for hovudbygget. For oppstikkande element i stein, vert maksimal gesimshøgd 4,6 meter (kote + 12,7 moh), målt frå ferdig golv.
Endring 3.kulepunkt:
- Opparbeiding av utvendig areal i form av terrassar og parkeringsplass, samt plassering av septiktank, må gjerast på det arealet som allereie er opparbeidd og planert iht. tidlegare godkjent løyve. Det vert ikkje tillete ytterlegare vesentleg endring av terreng på eigedommen. Det går ikkje fram av søknad at det er nødvendig med vesentleg terrengendring for å gjennomføre omsøkte tiltak, men vilkåret vert sett som ei tydeleggjering. Parkeringsareal skal reduserast til 1 parkeringsplass. Opparbeiding av tun skal reduserast til kun det som er nødvendig for tilkomst.
Endring av grunngjeving:
Dispensasjonen vert grunngjeven med at omsynet bak føresegna det dispenserast frå, eller omsyna i lova sine føremålsføresegner, ikkje vert vesentleg tilsidesett, ved å setje vilkår om senke og redusere kotehøgde for ferdig golv, samt å redusere maksimal gesimshøgde på bygget, slik at bygget ligg lågare i terreng og landskapsverknad totalt dermed vert redusert. Vi meiner at dette vil medverke til at ein kan oppretthalde ein intensjon i reguleringsplanen og pbl. §1-8, ved å søke å redusere landskapsverknaden og tiltak i 100-metersbeltet. Då det tidlegare er gjennomført byggemeldte tiltak i form av planering og sprenging på eigedommen, vert det vurdert at det er mest hensiktsmessig å plassere bygning i forhold til dette, for å unngå ytterlegare terrenginngrep. Eksisterande opparbeidd areal er vurdert å kunne ha lik effekt som omsøkte terrassar med tanke på unnvikande allmenn ferdsel i området, då hytteeigar vil kunne opphalde seg tilsvarande på eit opparbeidd flatt område i tilknyting fritidsbustaden sin som om det er terrasse der. Sett i lys av tidlegare løyve og presedens i området, at området er omfatta av ein eldre reguleringsplan der det er lagt opp til bygging av fritidsbustad i strandsona, bebygd areal er i tråd med forslag til ny kommuneplan sin arealdel, finn vi at fordelane med eit løyve er større enn ulempene, etter ei samla vurdering, då med tanke på å utnytte noverande tomt og gjenverande terreng på best mogleg og skånsam måte.
Røysting:
Kommunedirektøren sitt framlegg med endringsframlegg vart vedteke mot ei røyst, Mark Taylor (MDG)
Protokolltilførsel:
MDG røysta mot fordi ei oppføring av hytta i omsøkte plasseringa vil verke negativt på moglegheita for å kunne bruke området mot sjøen til friluftsliv, og redusere natur- og landskapsverdiane i området, og difor er i strid med intensjonane i Pbl. §1-8.