Høyring - lokale føreskrifter etter ny opplæringslov 1. august 2024

Kommunar og fylkeskommunar pliktar å sørgje for høyring, vedtak og offentleggjering av eigne lokale forskrifter i samsvar med ny opplæringslov som trer i kraft 01.august 2024.

Den nye opplæringslova inneheld fleire område der kommunar og fylkeskommunar skal gje forskrifter, i tillegg til område der dei kan gje forskrifter.

Fjaler kommune legg følgande fem utkast ut på høyring:

• Lokal forskrift om permisjon frå opplæringa i Fjaler kommune
• Lokal forskrift om skulefritidsordning i Fjaler kommune
• Lokal forskrift om skulereglar og skuledemokrati for grunnskulen i Fjaler kommune
• Lokal forskrift om hovudmål ved grunnskulen i Fjaler kommune
• Lokal forskrift om skuleruta 2024/2025, Fjaler kommune

Alle fem forskrifter skal kunngjerast på Lovdata. Før kunngjering må dei vera høyrde og vedtekne i Fjaler kommunestyre.
 

Her kan du lese høyringsutkasta:

Høyringsbrev - Lokale føreskrifter etter ny opplæringslov 1. august 2024 (PDF, 133 kB)

Høyringsutkast - Lokale føreskrifter etter ny opplæringslov 1. august 2024 (PDF, 294 kB)
 

Slik sender du innspel:

Send innspel innan 24. juni 2024. Innspel som kjem inn etter fristen blir ikkje tatt med, då saka skal til politisk behandling.

Send inn innspel på ein av følgande måtar:

• E-post til post@fjaler.kommune.no
• Gjennom elektronisk høyringsskjema på heimesida 
• Per post til : Fjaler kommune, Dalstunet 20, 6963 Dale i Sunnfjord 

Har du spørsmål?

Du kan ringe eller sende e-post til kommunalsjef for oppvekst, Kjell Roger Stien om det er noko du lurer på.

• E-post: kjell.Roger.Stien@fjaler.kommune.no
• Telefonnummer:57 73 80 60