Oppstart av arbeid med kommunedelplan for Dale og høyring av forslag til planprogram

Kommunestyret gjorde i møte 19.12.2024 i sak KOM-096/24 følgande vedtak:

“I samsvar med plan- og bygningslova § 11-12 blir det varsla oppstart av arbeid med kommunedelplan for Dale. Forslag til planprogram blir sendt på høyring og blir lagt ut til offentleg ettersyn, jf. plan- og bygningslova §§ 11-13 og 11-14.”

Forslag til planprogram

Planprogrammet er ein “plan for planen”. Utarbeiding av planprogram er ei lovpålagt oppgåve, jf. plan- og bygningslova § 4-1.

Planprogrammet skal gjere greie for:

• føremålet med planarbeidet
• planprosessen med fristar og deltakarar
• opplegg for medverknad
• behov for utgreiingar / ny kunnskap

Her kan du lese forslaget til planprogram (PDF, 2 MB)

Har du innspel?

Dersom du har innspel til planarbeidet, kan du bruke innspelsskjemaet som du finn på Fjaler kommune si heimeside. Du kan også sende e-post til post@fjaler.kommune.no eller post til Fjaler kommune, Dalstunet 20, 6963 Dale i Sunnfjord, innan 2. mars 2025. Merk innspelet med saksnummer: 24/1683. 

Folkemøte

I samband med høyringsprosessen vil det bli arrangert eit folkemøte i Dale. Folkemøtet vil finne stad tysdag 4. februar kl. 18-21.

Dette vil vere eit felles folkemøte for kommuneplanen sin samfunnsdel og kommunedelplan for Dale.

Vel møtt!