Folkehelse og berekraftig utvikling
Fjaler kommune er medlem i Nettverk for helsefremjande samfunn (Fremsam), som er ein del av WHOs europeiske Healthy Cities-nettverk. Vi følgjer WHOs visjon og strategi for helsevennleg samfunnsutvikling, som byggjer på FNs berekraftsmål og Agenda 2030.
Investering i innbyggjarane si helse og livskvalitet er ein føresetnad for å oppnå berekraftige samfunn. FNs berekraftsmål gjer folkehelsearbeidet meir aktuelt enn nokon gong.
Ved å bruke berekraftsmåla som rammeverk for planlegging og tenesteyting løfter vi blikket og ser samfunnsutviklinga i ein større samanheng. Det inneber å arbeide for meir rettferdige og inkluderande samfunn, og å ha større fokus på å jamne ut sosiale helseforskjellar.
For å lukkast må vi samarbeide på tvers av sektorar og i dialog med innbyggjarane. Det er i fellesskap vi skaper gode løysingar og sikrar at Fjaler kommune er ein god stad å leve – for alle
