Jordmorteneste

Jordmor tilbyr tenester ved graviditet med konsultasjonar gjennom heile svangerskapet. Gravide kan velje mellom oppfølging av jordmor eller fastlege.

Om tilbodet:

Ta tidleg kontakt om du er gravid
Jordmor er å treffe på Fjaler helsestasjon kvar måndag og onsdag
Jordmor kan nåast på telefon måndag – fredag
Jordmor kjem også på heimebesøk kort tid etter utreise frå barselavdelinga
Tenestetilbodet er gratis

Svangerskapskonsultasjonar

Plan for svangerskapskontrollar

Svangerskapskonsultasjonar
Svangerskapsveke	konsultasjon
veke 6–12	Første
Veke 12–16	Andre
Veke 17–19	Ultralyd Helse Førde HF
Veke 24	Tredje
Veke 28	Fjerde
Veke 32	Femte
Veke 36	Sjette
Veke 38	Sjuande
Veke 40	Åttande
Veke 41	Overtidsvurdering Helse Førde HF

Tilbod om gratis kikhostevaksine til gravide

Informasjon om tilbod om gratis kikhostevaksine til gravide

Gravide kan frå 1. mai få gratis oppfriskningsdose av vaksine mot kikhoste. Vaksina skal gjevast i svangerskapsveke 24, men ved oppstarten gjeld tilbodet for alle som er gravide i veke 24 eller meir.

Vaksinen vert gitt for å beskytte spedbarnet mot kikhoste fram til det kan få sine første vaksinar, og vaksinen vil vere nyttig for fosteret også om den vert sett seinare i svangerskapet enn veke 24. Vaksinen beskyttar mot alvorleg forløp av kikhoste hjå spedbarn, som i einskilde tilfeller kan medføre alvorleg sjukdom og varige skadar. Ein kan få vaksinen hjå jordmor eller fastlegen ved svangerskapskontrollen.

Det er godt dokumentert at denne vaksinen er nyttig for å førebyggje alvorleg sjukdom hjå spedborn, og det er også godt dokumentert at vaksinen er sikker. Så vi oppfordrar alle gravide i kommunen om å ta i mot dette tilbodet, seier kommuneoverlege Bård Flattun Lilleeng.

Meir informasjon om kikhostevaksinen for gravide:

Nyttige lenkjer:

Her finn du oss:

Helsestasjonen ligg i underetasjen til Fjaler helsetun. Parkering og inngang på nedsida av bygget (mot fjorden).
Besøksadresse: Dalsvegen 81.

Publisert 11.02.2022 11.10

Sist endra 29.04.2024 10.42