Møte i Kommunestyret den 25.04.2024

Vedtak

Innkalling og sakliste vert godkjende.

Behandling

Røysting: samrøystes

Vedtak

Protokollen frå siste møte vert godkjend.

Behandling

Røysting: samrøystes

Vedtak

Referatsakene vert godkjende.

Behandling

Røysting: samrøystes

Vedtak

kommunestyret vedtek å omdisponere midlane for sal av gravemaskin til å fullfinansiere kjøp av tilhengarlift. Dei resterande 310 000 tilrår komiteen at vert nytta til å redusere låneopptak ved kjøp av ny gravemaskin. Finansiering av ny bil til teknisk etat vert teken opp att i samband med økonomiplan for 2025.

Behandling

Habilitet

Jostein Jarstad (H) tok opp spørsmål om habilitet, sidan han er driftsleiar for eininga som er direkte involvert i saka og har vore med på saksførebuinga.

Jarstad tredde frå møte under handsaminga av habilitetsspørsmålet.

Bjørn Helge Hjartholm (H) trer inn som vara.

Røysting habilitetsspørsmålet:

Kommunestyret vurderte samrøystes at Jarstad er inhabil jf. fvl. 6 første ledd, bokstav a.

Røysting formannskapet sitt framlegg og komiteen si tilråding under eitt:

Komiteen si tilråding er vedteke med 19 mot 4 røyster (H).

Vedtak

Kommunestyret imøtekjem søknaden frå Dale IL om å flytte fram skifte av kunstgras på Dingemoen idrettspark til 2024, og løyver 1,3 mill kr til dette.

Finansiering vert gjort slik:
Grunna klagebehandling hos Statsforvaltaren vert prosjekt Helsehus utsett til 2025. Midlar frå Helsehus på 800 000 vert omdisponert til skifte av kunstgras på Dingemoen idrettspark. Investeringsbudsjettet vert auka med 500.000, som også vert tatt frå disposisjonsfondet.

Kommunestyret ønskjer at kommunen er tiltakshavar og at tiltaket vert gjennomført snarast.
Ein opnar også for at idrettslaget kan vere tiltakshavar og ber administrasjonen ha dialog med Dale IL om dette.
Evt avklaringar om prosjektet ber ein om vert gjort med formannskapet.

Fjaler kommune forskotterer spelemidlar og moms på vanleg måte.
Det er eit vilkår for forskotteringa av moms at spørsmålet om tilbakebetaling blir avklart. Formannskapet får fullmakt til å framforhandle ein avtale.

Finansiering av forskottering av spelemidlar og moms, totalt 2.337.500 vert finansiert frå disposisjonsfondet.

Behandling

Habilitet:

kommunedirektøren er inhabil i saka jf. fvl. § 6 første ledd bokstav b, sidan søstera har sendt inn søknaden for idrettslaget. Dermed er heile administrasjonen inhabil til å ta avgjerd i saka jf. fvl. § 6 tredje ledd. Saksbehandlar kan svare på spørsmål og gje saksopplysningar.

Arve Helle (AP) tok opp spørsmål om sin habilitet sidan han som medlem i idrettslaget har vore med på førebuing av saka, og er soleis part i saka jf. fvl. § 6 første ledd bokstav a.

Helle tredde frå møtet under handsaminga av habilitetsspørsmålet.

Geir Loneland (AP) trer inn som vara

Røysting habilitetsspørsmål Helle (AP):

Samrøystes inhabil

Odd Helge Aase (H) stilte spørsmål ved sin habilitet sidan han er styremedlem i idrettslaget.

Svein-Martin Hovland Stenseth (MDG) stilte spørsmål ved sin habilitet, sidan han er son til vedk. som har sendt inn søknaden for idrettslaget.

Aase og Stenseth tredde frå møtet under handsaming av habilitetsspørsmålet. Ingen vara møtte.

Røysting habilitetsspørsmål Aase og Stenseth:

Kommunestyret vurderer begge samrøystes som habil.

Kommunalsjef kultur og samfunn svarte på innsendt spørsmål frå Jostein Vagstad (AP) vedr. moms. Spørsmålet med svaret blir lagt inn på saka etter møtet.

Røysting:

Felles framlegg og ordføraren sitt framlegg under eitt:

Felles framlegget blir vedteke med 22 mot 1 røyst (Jarstad).

Vedtak

1. Fjaler kommune sluttar seg til at det vert etablert vertskommunesamarbeid for kommunane Fjaler, Hyllestad, Høyanger og Sunnfjord i NAV region Sunnfjord.
2. Sunnfjord kommune vert vertskommune for samarbeidet
3. Det er ein føresetnad for vertskommunesamarbeidet at det vert oppretthalden ein desentralisert struktur med lokasjonar i alle dei fire kommunane.
4. Tilhøvet kring ei eventuell verksemdsoverdraging vert å gjere innanfor avtaleverket og i samarbeid med dei tilsette sine organisasjonar.
5. Kommunedirektøren får fullmakt til å avtale når vertskommunesamarbeidet skal tre i kraft.

Behandling

Habilitet:

Ainor Naustdal (AP) tok opp spørsmål om sin habilitet sidan ho er leiar i NAV Hyllestad og soleis part i saka jf. fvl. § 6 første ledd bokstav a.

Naustdal tredde frå møtet under handsaminga av habilitetsspørsmålet.

Geir Loneland (AP) møtte som vara.

Røysting habilitetsspørsmål Naustdal:

Kommunestyret vurderte Naustdal (AP) samrøystes som inhabil jf. fvl. § 6 første ledd, bokstav a.

Røysting:

Formannskapet sitt framlegg blei vedteke mot 5 røyster (SV, Brattelid, Stølen, Myklebust).

Vedtak

1. Fjaler kommune gjev 150 000 i støtte til Teaterfestivalen i Fjaler for 2024. Løyvinga vert teken frå disposisjonsfondet.
2. Årlege løyvingar frå 2025 vert å komme attende til i forbindelse med økonomiplanarbeidet for 2025.

Behandling

Røysting: formannskapet sitt framlegg med tilleggsframlegg blei samrøystes vedteke.

Vedtak

Fjaler kommune v/kommunestyret vedtek reviderte retningslinjer, "revidert versjon etter utsett KOM sak 21.03.24 retningslinjer for viltfond Fjaler", for bruk av kommunalt viltfond. Overskrifta i retningslinjer vert endra frå "Retningslinjer for bruken av Viltfondet i Askvoll" til "Retningslinjer for bruken av Viltfondet i Askvoll og Fjaler".

Behandling

Røysting:

kommunedirektøren sitt framlegg med tilleggsframlegget frå komitéen blei samrøystes vedteke.

Vedtak

I tråd med § 6 første ledd i IKS-lova gjer kommunestyret følgjande val:

• Ainor Naustdal (AP) vert valt som 2. varamedlem til representantskapet i Alarmsentralen IKS
• Ainor Naustdal (AP) vert valt som 2. varamedlem til representantskapet i Sunnfjord Miljøverk IKS
  

Behandling

Røysting: valnemnda sitt framlegg blei samrøystes vedteke.

Vedtak

Sak om endring av skulekrinsgrense i Guddal blir ikkje teke opp på nytt

Behandling

Røysting formannskapet sitt framlegg og framlegg frå Venstre under eitt:

Formannskapet sitt framlegg blei vedteke med 12 mot 11 røyster (V, MDG, Rundberg, Grytøyra, Myklebust, Jarstad, Espedal).

Vedtak

Fjaler kommunestyre vil gje følgjande fråsegn til Storting og Regjering til jordbruksoppgjeret 2024

Fjaler kommunestyre vil peike på nokre viktige og prioriterte punkt framfor oppgjeret i 2024:

1. Lønsemd er grunnlaget for gardsdrifta. Dersom lønsemda er tilfredsstillande så utløyser det framtidstru og positive signal i høve generasjonsskifte. Framtidstru utløyser også investeringsvilje – noko som er svært kjærkome for m. a. entreprenørar og maskinfirma i distrikta. I NOU 2022:14 (Grytten utvalet) vert det vist til at inntekta til eit heiltids-gardsbruka i Vestland ligg meir enn kr 100.000 under gjennomsnitt i andre fylke. Inntekta for Vestlandsbonden må aukast.
   Aktiv gardsdrift er grunnlaget for norsk matproduksjon og auka sjølforsyningsgrad og her er lønsemd grunnlaget for gardsdrifta.
   
2. Kanaliseringspolitikken må forsterkast. For å oppretthalda landbruksproduksjon over heile landet må politikken og verkemiddelbruken inn mot produksjonsfordelinga i Norge (kanaliseringspolitikken) forsterkast. Produksjonseiningar som ligg i korn- og åkerlandbruksområda (kornsona) må ikkje økonomisk stimulerast til å forsyne seg av produksjonar frå område med få produksjonsalternativ(grasarealsona).
   Ein vellukka kornpolitikk med god økonomi er nøkkelfaktoren i problemstillinga.
   
3. Det trengst ei satsing på små og mellomstore gardsbruk. Utnytting av ressursane i utmarksbeite må bli meir lønsame. Berre halvparten av forressursane vert i dag nytta. Drøvtyggarane omset plantar til kjøt, mjølk og ull. Aktiv drift utviklar kulturlandskapet slik at ressursgrunnlaget og areal med høgt naturmangfald vert ivareteke.
   Investeringar i grøfting, drenering og andre jordforbetrande tiltak må gi rett til frådrag.
   
4. Næringsinntekta, spesielt i mjølkeproduksjonen i Vestland, må hevast monaleg. Mjølk er ryggrada i distriktsjordbruket og bærebjelken i mange lokalsamfunn. Lausdrifts-kravet krev ekstra merksemd dersom ein skal unngå at mange av dagens bruk forsvinn. Investeringsstøtta frå båsfjøs til lausdrift må auke og vere innretta meir mot små og mellomstore bruk. Innfør rentestøtte til dei melkebruka som har investert i lausdrift dei siste 10 åra.
   
5. Økonomiske verkemiddel er viktig for å nå måla i landbruket sin klimaplan og gjere bøndene i stand til å produsere meir klimasmart og klimatilpassa, og i tråd med berekraftsmåla til FN. For Vestlandsbonden er tilskot til drift av kulturlandskap og utvalde kulturlandskap svært viktig for mange bruk. Kulturlandskapet vårt vil sjå heilt annleis ut om vi ikkje har ei aktiv landbruksnæring. Dette må ein ta omsyn til i dei komande jordbruksforhandlingane.
   
6. Velferdsordningane må styrkast vesentleg, for å gje bonden meir fritid og familieliv. Dette er særleg viktig for at ungdommen skal sjå ei framtid i næringa.
   
7. Tilskot til bruk med bevaringsverdige husdyrrasar må aukast. Dette må sjåast i samanheng med ei styrking av små og mellomstore bruk.
   
8. Landbruket må ha dei same rammene for årsverk, inntekt og avkasting på eigenkapital som andre sektorar. Dette inneber at 20 prosent normeringsfaktoren må fjernast og at det leggjast til grunn at bønder skal arbeide same tal timar som vanlege arbeidstakarar.
   
   
   

Behandling

Røysting:

1. ordføraren sitt framlegg med presisering og punkt 1 og 4 i framlegget til Rundberg: samrøystes
2. Rundberg sitt framlegg om å stryke punkt 7 i ordføraren sitt framlegg fall med 7 (SP, Stang) mot 16 røyster

Vedtak

Desse blir valt til råd for menneske med nedsett funksjonsevne for perioden 2023-2027:

Faste medlemer:

1. Mikael Milde
2. Leonie Mertz Koning
3. kommunestyre sin representant: Kjetil Ness (SV)

Varamedlemer:

1. Leif Henning Solheim
2. Hilde Åsnes
3. vara frå kommunestyret: Gunhild B. Stang (V).

Behandling

Valnemnda sitt framlegg om medlemer frå kommunestyret: Kjetil Ness (SV) som fast medlem og Gunhild B. Stang (V) som vara.

Røysting: samrøystes