Røysterett og manntal

Du har røysterett ved kommunestyre- og fylkestingsvalet dersom du oppfyller eitt av desse krava: 

• Du er norsk statsborgar og har fylt 18 år innan utgangen av 2023 og er, eller har vore registrert busett i Noreg
• Du er statsborgar i Danmark, Finland, Island eller Sverige, har fylt 18 år innan utgangen av 2023, og er registrert i folkeregisteret som busett i Noreg seinast 30. juni 2023
• Du er ikkje norsk statsborgar, men har vore registrert i folkeregisteret som busett i Noreg dei tre siste åra før valdagen og har fylt 18 år innan utgangen av 2023.

Tilsette i diplomatiet eller konsulatvesenet og husstanden deira har røysterett sjølv om dei ikkje oppfyller busetjingskriteriet.

Manntalet er ei oversikt over kven som har røysterett i ein kommune.

Manntalet vert oppdatert av Folkeregisteret og dei fleste vert difor automatisk ført inn i manntalet i den kommunen ein er folkeregistrert som busett i per 30.juni 2023.

Du kan førehandsstemme i kva kommune som helst, men skal du røyste på valdagen måndag 11.september (og ved søndagsopne vallokale på 10.september) må du gjere det i eit vallokale i kommunen du er manntalsført i.

Manntalet for Fjaler kommune vert lagt ut til offentleg ettersyn på Fjalerhuset i månadsskifte juli / august. 

Skal du flytte?

Dersom du har flytta til ein anna kommune etter 30.juni er du framleis registrert i manntalet (og har røysterett) i den kommunen du flytta frå. 

Bur du i utlandet? 

Dersom du bur i utlandet, men har vore folkeregistrert som busett i Noreg i løpet av dei siste 10 åra, blir du automatisk ført inn i manntalet i kommunen du var registrert som busett i då du flytta frå Noreg.

Dersom du ikkje har vore registrert busett i Noreg dei siste 10 åra, må du søkje om innføring i manntalet. Du søker ved å skrive under på den omslagskonvolutten som vert nytta ved forhåndsstemmegivning utenriks. Dersom du forhåndsstemmer i Noreg eller ikke nyttar den nevnte omslagskonvolutten, må du søke særskilt. Då kan du nytte eige søknadskjema for innføring i manntalet.

Last ned søknadsskjemaet for innføring i manntalet (PDF, 80 kB)

Dersom du meiner at du sjølv eller andre uriktig er blitt innført i eller utelatt frå manntalet, kan du krevje at feilen vert retta. Krav om retting gjeld feil, og ikkje flyttingar etter 30. juni 2023. Det er ikkje adgang til å oppdatere manntalet på grunnlag av at nokon flyttar etter 30. juni. Opplysningar i folkeregisteret er avgjerande og definerer kor røysteføre personar var busett den 30. juni i valåret. 

Krav om retting skal vere skriftleg og grunngjeve, og sendast til Valstyret i Fjaler kommune, Dalstunet 20, 6963 Dale i Sunnfjord.