Skulefritidsordning - SFO

Skulefritidsordninga er eit tilbod før og etter skuletid for alle barn i 1.- 4. klasse og for barn med særskilde behov i 5.-7. klasse.
Dagleg opningstid er etter behov innanfor ei tidsramme frå 07.00 - 16.30. Opningstida i dei ulike SFO-tilboda kan variere innanfor denne tidsramma.
Ved henting etter kl 16.30 vert det kravd gebyr.
Det er ikkje rett til skuleskyss til/frå SFO

Søknad om plass

Du søkjer elektronisk om SFO-plass gjennom Visma Flyt Skule. Vanleg søknadsfrist for SFO er 1. april kvart år.

Søk SFO plass her

Endringar og oppseiing

Oppseiingstid er ein månad frå den 1. i månaden. Endringar og oppseiing av SFO plass gjer du i Visma Flyt Skule.

Ferietilbod - SFO

Dingemoen skule har ferietilbod i haust-, vinterferie og i sommarferien. I sommarferien 2021 er det ferietilbod i veke 25, 26, 31 og måndag/tysdag i veke 32.
Born som elles har ordinært SFO-tilbod har prioritet dersom det er fleire søkjarar til ferietilboda enn det skulen har kapasitet til å ta imot.
Du kan melde på i heile veker, ikkje enkeltdagar.
Tilbodet kjem i gang dersom det vert påmeldt minst 6 barn.
Søknadsfristen for ferietilbod er 20. april for sommarferie, og ein månad før haust- og vinterferie.

Betalingssatsar

Opningstida før/etter skuletid og ved heil/halv dag vert rekna i heile og halve timar, ikkje minutt.
Informasjon om opningstida til ditt SFO-tilbod får du på skulen.

SFO - betalingssatsar
Tilbod	Pris
20-26 timar pr veke	Kroner 2630 per md.
15-20 timar pr veke	Kroner 2250 per md.
10-15 timar pr veke	Kroner 1790 per md.
0-10 timar pr veke	Kroner 1380 per md.
Tilbod i skuleferiar	Kroner 1120 per veke
Enkeltdagar	Kroner 250 per dag
Ekstratimar	Kroner 60 per time
Gebyr ved for seint henta barn	Kroner 200 per påbegynt halvtime
Syskenmoderasjon	30% for 2.barn og 50 % for 3. og fleire barn
Matpengar (der det er tilbod)	Kroner 300 per md.

Har du lågare inntekt kan du få lågare pris

Regjeringa er opptatt av å redusere foreldrebetalinga for familiar med låg inntekt. Ordninga sikrar at ingen familiar skal bruke meir enn maksimalt seks prosent av inntekta si til å betale for ein SFO-plass for elevar på 1. og 2. trinn.

Her kan du søke om lågare foreldrebetaling for SFO

Vi behandlar søknader om lågare pris gjennom heile året. Om du søkjer etter 15. oktober, vert startdato 1. i neste månad.

Får du søknaden om lågare pris godkjent gjeld det ut skuleåret. Du må difor søke på nytt kvart skuleår.

Får du søknaden om lågare pris godkjent, gjeld det frå månaden etter du har sendt søknaden.

Du har rett til å klage om du ikkje får redusert pris. Klagefristen er tre veker etter at du har fått vedtaket. Ei eventuell klage må vere skriftleg. Du sender klagen til Fjaler kommune, Dalstunet 20, 6963 Dale i Sunnfjord.

Frå skuleåret 2020-2021 blir det innført gratis SFO for elevar på 5.–7. trinn med særskilte behov.

Vedtekter for SFO

Vedtektene for skulefritidsordniga er gjeldande frå 01.08.2010, med endring frå 01.01.2019

Vedtekter SFO (PDF, 682 kB)

Sist endra12.03.2021 14.20

Koronavirus - Fjaler kommune