Møte i Formannskapet den 01.06.2023

Vedtak

Innkalling og sakliste vert godkjende med følgjande endring:

• sak 041/23 “Skysstilbod for elevar i Øvre Guddal” vert utsett til neste formannskapsmøte før kommunestyremøtet den 15.06.23 og ber om at det i saka vert lagt ved ei grunngjeving om kvifor saka skal handsamast på nytt og økonomiske konsekvensar av ei endring av skulekrinsgrensa.

Behandling

Partia fremja eit felles endringsframlegg:

Formannskapet utset sak 041/23 “Skysstilbod for elevar i Øvre Guddal” til neste møte før kommunestyremøtet den 15.06.23 og ber om at det i saka vert lagt ved ei grunngjeving om kvifor saka skal handsamast på nytt og økonomiske konsekvensar av ei endring av skulekrinsgrensa.

Røysting: kommunedirektøren sitt framlegg med endringsframlegget vert samrøystes vedteke.

Vedtak

Protokoll frå siste møte vert godkjend med følgjande tillegg:

feilen i nummeringa i teksten under handsaming i sak PS 032/23 vert retta.

Behandling

Felles tilleggsframlegg: Det er ein feil i nummeringa i teksten under handsaming i sak PS 032/23 som må rettast opp.

Røysting: kommunedirektøren sitt framlegg vart samrøystes vedteke med tilleggsframlegget.

Vedtak

Referatsakene vert godkjende.

Behandling

Det vart stilt spørsmål om status på arealdelen til kommuneplanen og sal av Hellevik skule. Kommunedirektøren svara.

Røysting: samrøystes

Vedtak

Fjaler kommune løyver inntil kr 125 000 for bæreevnevurdering av Svartefossvegen no i 2023.

Løyvinga vert teken frå disposisjonsfond.

Oppgradering av Svartefossvegen innarbeidast i ein plan for veg og blir tildelt ei prioritering ut frå andre tiltak til veg.

Plan for veg, saman med økonomiplanen fastset når ein kan gjennomføre oppgradering av Svartefossvegen.

Behandling

Mark Taylor (MDG) fremja eit felles alternativt framlegg (MDG, SP):

Fjaler kommune løyver inntil kr 125 000 for bæreevnevurdering av Svartefossvegen no i 2023.

Løyvinga vert teken frå disposisjonsfond.

Oppgradering av Svartefossvegen innarbeidast i ein plan for veg og blir tildelt ei prioritering ut frå andre tiltak til veg.

Plan for veg, saman med økonomiplanen fastset når ein kan gjennomføre oppgradering av Svartefossvegen.

Røysting alternativt framlegg:

Det alternative framlegget vart samrøystes vedteke som formannskapet si tilråding til kommunestyret.

Vedtak

Kommunestyret godkjenner at Fjaler kommune kan inngå ny festeavtale med Mathias Øen Transport for 5 år for område B1 (64/1/3 og 64/1/5) og B2 (64/4/2). Det skal setjast følgjande vilkår i ny festeavtale:

Festaren skal, ved drift av området og betongblandeverket, innrette si verksemd på ein slik måte at ulempene med støy og støv frå anlegget og transporten til/frå dette vert minst mogleg for omkringliggjande område for både eksisterande og framtidig busetnad. Driftstida skal så langt det let seg gjere haldast til dagtid.

Festar skal sørge for utarbeiding av støysonevurdering for eige område/verksemd inklusiv framlegg til og gjennomføring av nødvendige støyreduserande tiltak for å ivareta eit tilfredstillande støynivå for omkringliggjande område, både eksisterande og framtidig busetnad. Denne vurderinga skal vere utført innan utgangen av 2023.

Festar skal sikre at fare for uakseptable utslepp til elva vert redusert og skal vere nøye på å unngå støytutslepp eller ureinsa utslepp som kan forringe den økologiske tilstanden i den sårbare resipienten.

Behandling

Tilleggsframlegg v Mark Taylor (MDG):

Nytt vilkår i ny festeavtale:

Festar skal sikre at fare for uakseptable utslepp til elva vert redusert og skal vere nøye på å unngå støytutslepp eller ureinsa utslepp som kan forringe den økologiske tilstanden i den sårbare resipienten.

Røysting tilleggsframlegg:

Tilleggsframlegget vart samrøystes vedteke.

Røysting:

Kommunedirektøren sitt vedtak med tilleggsframlegg vart samrøystes vedteke som formannskapet si tilråding til kommunestyret.

Vedtak

I samsvar med plan- og bygningslova § 19-2 vert det gjeve dispensasjon frå arealføremålet i plan, frå omsynssone H570 og frå pbl § 1-8, forbod mot tiltak langs sjø, til oppføring av tilbygg til Bjergelandet 5, gbnr 63/4, med følgjande vilkår:

• Tilbygget blir justert til om lag 16 kvm, det kan byggast inntil 3,5 m mot aust (om lag 7,5 m frå nabohus), og skal ikkje kome nærare sjøen enn eksisterande bygg.
• Mønehøgd skal ikkje høgare enn eksisterande bygg.
• Takvinklar, form, farge og materialbruk skal harmonisere med kulturlandskapet i området.
• Området mellom bygningane bør plantes med pryd- og bærbusker, men på ein slik måte at det skaper ope rom. Nokon av dei gamle buskene bør behaldast.
• Alt innafor 8 m frå nabohus skal brannsikrast jf. tekniske forskrifter.

Dispensasjonen vert grunngjeven med at omsynet bak føresegna det dispenserast frå, eller omsyna i lova sine føremålsføresegner, ikkje vert vesentleg tilsidesett - ved å setje vilkår til landskaps- og terrengtilpassing samt storleik og utforming, er det vurdert at tiltaket ikkje vil kome i konflikt med grøntstrukturen og kulturmiljøet på staden. Tilbygg vil ikkje kome nærmare sjøen eller på anna måte vere til hinder for omsynet bak 100-metersbeltet langs sjø. Fordelane med å gje dispensasjon vert vurdert til å vere større enn ulempene etter ei samla vurdering, med tanke på tilrettelegging for framtidig busetting og eit eventuelt generasjonsskifte på garden i framtida.

Behandling

Røysting: samrøystes

Vedtak

Kommunestyret godkjenner forstudiet i muligheitstudiet for Flekke skule og barnehage.

Kommunestyret vedtek å starte eit forprosjekt for å utgreie alternativa 2, 3, 7 og 11.

Mandat for forprosjekt med kostnadsramme vert lagt fram for kommunestyret for godkjenning.

Behandling

Det vart fremja eit felles endringsframlegg frå partia:

• i tillegg til alternativa i kommunedirektøren sitt framlegg vert også alternativ 7 greidd ut

Røysting: kommunedirektøren sitt framlegg med endringsframlegget vert samrøystes vedteke.

Vedtak

Kommunestyret vedtek omdisponering av midlar løyvd til prosjekt 2324 forprosjekt til utbetring av Korssundvegen 2020 til å gjere tiltak med å utbetre Korssundvegen i år, dette for å kunne holde vegen køyrbar framover.

Behandling

Røysting: kommunedirektøren sitt framlegg vart samrøystes vedteke som formannskapet sitt framlegg til kommunestyret.

Behandling

Saka er utsett ref. vedtak i PS 033/23.

Vedtak

Leigeavtalen vert godkjent slik den ligg føre.

Behandling

Røysting: kommunedirektøren sitt framlegg vart samrøystes vedteke som formannskapet si tilråding til kommunestyret

Vedtak

Formannskapet sitt framlegg:

Saka vert utsett med omsyn til kommunen sin økonomi og vert handsama i samband med økonomiplanarbeidet til hausten.

Behandling

Joakim Janninge (SV) fremja følgjande endringsframlegg:

Saka vert utsett med omsyn til kommunen sin økonomi og vert handsama i samband med økonomiplanarbeidet til hausten.

Røysting: endringsframlegget til SV vart samrøystes vedteke som formannskapet si tilråding til kommunestyret.

Vedtak

Kontrollutvalet sitt framlegg:

Kommunestyret viser til forvaltningsrevisjonsrapport frå Vestland Revisjon – Barnevern datert 2. mai
2023, og tek den til orientering.

1. Kommunestyret ber kommunedirektøren følgje opp tilrådingane i rapporten slik, ved å sikre :
- gode rutiner for internkontroll og eigenkontroll ved sakshandsaming i barnevernet
- evaluering av hjelpetiltak
- beredskap og kvalitetssikring i tenesta for barnevernet
- mindre sårbarheit ved vakanse og fråvær i leiinga

- at aktuelle einingar i kommunen har rutinar for melding til barnevernet

2. Kommunedirektøren informerer kontrollutvalet innan mai 2024, om kva som er gjort i forhold til
oppfølging av tilrådingane i rapporten.

Behandling

Røysting: samrøystes

Vedtak

Kommunestyre tek saka Organisering av næringsarbeidet i Fjaler kommune til vitande. Kommunedirektøren får oppdrag å etablert eit prosjekt for å jobbe vidare med organisering av næringsarbeidet. Ansvar for oppfølging av tiltaksplanen for 2023 vert lagt til prosjektet.

Behandling

Røysting: kommunedirektøren sitt framlegg vart samrøystes vedteke som formannskapet si tilråding til kommunestyret

Vedtak

Kommunestyret vedtek Politisk delegeringsreglement for Fjaler kommune

Behandling

Røysting: kommunedirektøren sitt framlegg vart samrøystes vedteke som formannskapet si tilråding til kommunestyret

Vedtak

Årsrekneskapen 2022 med tilhøyrande årsmelding for Driftsselskapet for Dingemoen idrettspark vert vedteken slik den er lagt fram.

Behandling

Røysting: kommunedirektøren sitt framlegg vart samrøystes vedteke som formannskapet si tilråding til kommunestyret

Vedtak

1. 1.tertial tertialrapport 2023 vert vedteken slik den er lagt fram.
2. Revidert driftsbudsjett 2023 vert vedteke i samsvar med bevilgningsskjema 1A og 1B (§5-4) vedlagt i tertialrapporten.
3. Revidert investeringsbudsjett 2023 vert vedteke i samsvar med bevilgningsoversikt investering 2A og 2B (§5-5) vedlagt i tertialrapporten
   

Behandling

Røysting: kommunedirektøren sitt framlegg vart samrøystes vedteke som formannskapet si tilråding til kommunestyret

Vedtak

Årsmeldinga til Fjaler kommune for 2022 vert godkjend slik den ligg føre.

Behandling

Røysting: kommunedirektøren sitt framlegg vart samrøystes vedteke som formannskapet si tilråding til kommunestyret

Vedtak

Formannskapet sitt framlegg:

Årsrekneskapen til Fjaler kommune for 2022 vert vedteken slik den er lagt fram.

Behandling

Røysting: kommunedirektøren sitt framlegg vart samrøystes vedteke som formannskapet si tilråding til kommunestyret