Møte i Kommunestyret den 14.12.2023

Vedtak

Innkalling og sakliste vert godkjende.

Behandling

Røysting: samrøystes

Vedtak

Protokollen frå siste møte vert godkjend med følgjande endringar:

1. sak 086/23 - erstatte Kjetil Ness (SV) med Kjetil Felde (SP) under punktet handsaming
2. sak 096/23 - rette partinemning på representant Hjørdis Åsnes til SP
3. sak 097/23 - rette partinemning på representant Pernille Nedrebø til SP

Behandling

Mark Taylor (MDG) gjorde framlegg om retting av desse opplysningar i protokollen:

1. sak 086/23 - erstatte Kjetil Ness (SV) med Kjetil Felde (SP) under punktet handsaming
2. sak 096/23 - rette partinemning på representant Hjørdis Åsnes til SP
3. sak 097/23 - rette partinemning på representant Pernille Nedrebø til SP

Røysting:

Protokollen vart samrøystes godkjent med dei endringane som vart føreslått av Mark Taylor (MDG)

Vedtak

Referatsakene vert teke til vitande.

Behandling

Ordføraren orienterte om:

• status på straumfordeling på Lutelandet med bakgrunn i pressemeldinga i Firda 13.12.23.
• støttebrev frå kommunen til søknad frå Joker Flekke om tilskot frå Merkur-programmet. Brevet vert delt ut i møtet.

Kommunalsjef teknisk svarte på spørsmål frå Kjetil Felde (SP) om referatsak 034/23. Administrasjonen har fått stadfesta at kommunen sitt vedtak er gyldig, sidan Statsforvaltaren har trekt motsegnet sitt. Difor treng saka ikkje ny behandling i kommunestyret.

Vedtak

Kommunestyret vedtek plan for førebyggjande arbeid for barn og unge 2023-2027 slik den ligg føre.

Behandling

Røysting: samrøystes

Vedtak

Formannskapet tilrår at retningslinjer for drift av bruer på privat/gards- og grendeveg i KOM-048/10 den 14.06.2010 blir avvikla.

Behandling

Det låg føre eit brev frå brukarar til Tulandsbrua som låg ved som vedlegg i saka.

Randi Engen (Sp) fremja alternativt framlegg.

Røysting under eitt - det alternative framlegget frå SP vert sett opp mot formannskapet sitt framlegg.

Formannskapet sitt framlegg vart vedteke med 17 mot 6 røyster (SP).

Vedtak

Kommunestyret avviklar tilskotsordning, vedtatt 02.04.1998 sak F 38/98, for tilskot til private stikkleidningar som knytter seg til kommunalt anlegg.

Forskrift om vass- og avløpsgebyr i Fjaler kommune er førande for gebyrplikta for vatn og avløp.

Behandling

Marte Haugsbakk (V) stilte spørsmål ved sin habilitet sidan sambuaren hennar har sendt inn merknad til saka.

Haugsbakk tredde frå møtet under handsaming av habilitetsspørsmålet.

Røysting habilitetsspørsmålet: Haugsbakk vart samrøystes kjent inhabil jf. fvl § 6 første ledd bokstav c.

Røysting formannskapet sitt framlegg: samrøystes

Haugsbakk tredde inn att i møtet.

Vedtak

Prosjekt for gravplass på Øyra (reguleringsplan og prosjektering) vert avslutta då detaljprosjektering viser at det ikkje er mogeleg å bygge gravplass på Øyra i tråd med gjeldande krav og forskrift knytt til flaum og grunnvatn.

Behandling

Røysting: samrøystes

Vedtak

Kommunestyret vedtek farvassavgift 2024 og sakshandsamingsgebyr 2024 for Alden hamneområde.

Behandling

Røysting: samrøystes

Vedtak

Fjaler kommune kan busette 20 flyktningar i 2024.

Behandling

Røysting: samrøystes

Vedtak

Handlingsprogram for Kommunedelplan for idrett, friluftsliv og fysisk aktivitet vert godkjent med dei endringane som er lagt inn.

Behandling

Ainor Naustdal (AP) påpekte at investeringa i tiltaket «skifting av kunstgras Dingemoen stadion» er i handlingsprogrammet til kommunedelplan teke opp i 2024, medan tiltaket i økonomiplanen er oppført i 2025.

Kommunalsjef for kultur og samfunn, Ingeborg Tysnes svara at det er økonomiplanen som er gjeldande, og at det skal rettast i handlingsprogrammet.

Røysting: samrøystes

Vedtak

• Vertskommuneavtale etter kommunelova § 20 – 2 Administrativt vertskommunesamarbeid om felles kulturskule for Fjaler kommune og Askvoll kommune (samarbeidskommunar) og Hyllestad kommune (vertskommune), vert godkjent slik den ligg føre
• Reglement for Kulturskulen i Hyllestad, Askvoll og Fjaler vert godkjent slik det ligg føre.

Behandling

Røysting: samrøystes

Vedtak

Fjaler kommune gjev Jakob Sande – senter for forteljekunst 418 000 i støtte i 2024. Det er på same nivå som dei siste tre åra, men med ein prisvekst knytt til kommunal deflator på 4,5% frå 2023.

418 000 vert for 2024 teke frå disposisjonsfondet.

Saka vert teken opp att hausten 2024 då ein veit meir om Jakob Sande – senter for forteljekunst vert ein del av Musea i Sogn og Fjordane og at det då kjem inn som det faste tilskotet til Musea i Sogn og Fjordane.

Behandling

Det låg føre nye opplysningar i saksframlegget etter handsaming i formannskapet 30.11.23: eit notat med svar på spørsmål som formannskapet hadde stilt.

Kjetil Felde (SP) stilte spørsmål ved sin habilitet sidan ektefellen hans er styreleiar i Jakob Sande - senter for forteljekunst.

Røystinghabilitet Felde:

Kjetil Felde vart samrøystes kjent inhabil jf. fvl. § 6 første ledd bokstav c.

Felde tredde frå møtet under handsaminga av habilitetsspørsmålet.

Gunhild B. Stang (V) stilte spørsmål ved sin habilitet sidan ho er styremedlem i Musea sogn og fjordane

Stang tredde frå møtet under handsaming av habilitetsspørsmålet.

Røysting habilitet Stang:

Stang vart samrøystes kjent habil i saka.

Stang tredde inn att i møtet.

Røysting formannskapet sitt framlegg: samrøystes

Felde tredde inn att i møtet.

Vedtak

Saka vert utsett for vidare utgreiing av tekst i punkt 6.7.1, andre avsnitt.

Behandling

Jostein Vagstad (AP) stilte spørsmål ved sin habilitet sidan han har vore med på førebuing av planen som tilsett i Fjaler kommune.

Vagstad tredde frå møtet under handsaming av habilitetsspørsmålet.

Røysting habilitet:

Vagstad vart samrøystes kjent innhabil jf. fvl. § 6 første avsnitt bokstav a.

Personalsjef orienterte om handsaming av planen i administrasjonsutvalet.

Kjetil Ness (SV) fremja framlegg om utsetjing av saka:

Saka vert utsett for vidare utgreiing av tekst i punkt 6.7.1 andre avsnitt.

Røysting utsetjingsframlegg: det vert samrøystes vedteke at saka vert utsett.

Vedtak

Kommunedirektøren sitt framlegg:

Kommunestyre vedtek framlegg til prosjektplan slik den ligg føre

Kommunestyre vel følgjande 2 representantar til å delta i prosjektgruppa:

• Marte Haugsbakk (V)
• Elisabeth B. Sande (H)
  

Behandling

Gunhild Berge Stang (V) stilte spørsmål ved sin habilitet sidan ho er dagleg leiar i Sunnfjord utvikling som er vurdert som ein aktuell samarbeidspart i denne saka.

Stang tredde frå møtet under handsaming av habilitetsspørsmålet.

Røysting habilitetsspørsmålet:

Stang vart samrøystes kjent habil i saka, og tredde inn att i møtet.

Leiar i valnemnda Kjetil Ness (SV) orienterte om at han var inhabil i valnemnda si prosess med å finne aktuelle kandidatar til prosjektgruppa, sidan han er styremedlem i Fjaler Næringsutvikling. Gunhild B. Stang (V) var også inhabil i valnemnda av same grunn.

Røysting:

kommunedirektøren sitt framlegg, med valnemnda sitt framlegg om kandidatar vart samrøystes vedteke

Vedtak

Kommunestyret løyver kr 650 000 til utkjøp av tre drivstoff bilar til heimetenesta.

Kjøpet blir finansiert ved bruk av disposjonsfondet.

Behandling

Røysting: samrøystes

Vedtak

Møteplanen for folkevalde organ for 2024 vert godkjent slik han ligg føre.

Behandling

Røysting: samrøystes

Vedtak

Klagenemnd for eigedomsskattesaker:

• leiar: Hans Andre Lammetun (SP)
• nestleiear: Kai Ronny Myklebust (H)

Sakkunnig nemnd:

• leiar: Øystein Våge (SP)
• nestleiar: Arild Yndestad (AP)

Behandling

Røysting valnemnda sitt framlegg: samrøystes

Vedtak

1. Prosjekt lista opp i tabell under vert budsjettert ned i 2023.

2. Midlane som blir stilt til disposisjon i 2023, jamfør tabell over, skal nyttast til å finansiere investeringsbudsjettet for 2024.

Behandling

Røysting: samrøystes

Vedtak

1.Kommunestyret vedtar økonomiplan 2024-2027 slik han er lagt fram
2.Økonomiplanen sitt første år gjeld som årsbudsjett for 2024
3.Kommunestyret vedtar driftsbudsjett i samsvar med skjema § 5-4 Bevilgningsoversikt - drift
4.Kommunestyret vedtar investeringsbudsjett i samsvar med skjema § 5-5 Bevilgningsoversikt investering
5.Kommunestyret vedtek eit låneopptak pål. kr 16,7 mill til å finansiere investeringsprogrammet for 2024
6.Kommunedirektøren har mynde til å gjennomføre låneopptak jamfør økonomireglementet til Fjaler kommune
7.Gebyrsatsar vert vedteke jamfør gebyrliste i økonomiplan 2024-2027
8.I medhald til eigedomsskattelova (eskl) §§ 2 og 3 vert de skrive ut eigedomsskatt på alle faste eigedomar i heile kommunen
9.Skattesatsen vert sett til 4 promille av skattegrunnlaget jfr. eskl §11-13 på bustad- og fritidseigedomar
10.Skattesatsen vert sett til 7 promille av skattegrunnlaget på næringseigedomar jfr. eskl § 11-13
11.Det skal skrivast ut eigedomsskatt på særskilte skattegrunnlaget frå verk og bruk, dette grunnlaget er for 2024 justert med 6/7 (Overgangsregel til eskl §3-4)
12.Skattesatsen vert sett til 7 promille på det særskilte skattegrunnlaget i punkt 11

1. Kommunestyret er sterkt uroa over den økonomiske stoda i Fjaler kommune. Dersom ein i løpet av budsjettåret 2024 ser nytt handlingsrom vil kommunestyret prioritere tiltak som legge til rette for bustader, næringsliv og rekruttering, då dette er dei viktigaste tiltaka ein kan gjere for å styrke økonomien i kommunen.
2. Kommunestyret viser til intensjon om sal av gamle ungdomskulen og stadfestar at det er eit mål at kommunen ikkje skal drifte og eige bygget framover. Kommunestyret ber kommunedirektøren sikre framdrift i avklaring om det er behov for ungdomskuletomta til andre kommunale føremål.
3. Kommunestyret ber kommunedirektøren kome tilbake med ei nærare orientering om driftssituasjonen på integrering og vaksenopplæring.
4. Kommunestyret stadfestar at vedtaket om forprosjekt for Flekke skule står, og det er positivt at utvikling av Flekke skule og barnehage ligg inne som ønskja investering i planprogrammet. Dette viser vilje til å imøtekomme ei stigande utvikling og arbeide for ein vekst av unge i Fjaler, i samsvar med overordna mål i samfunnsdelen. Det skal arbeidast målretta for å finne midlar til å starte eit forprosjekt i løpet av planperioden.
5. For å gje eit betre SFO tilbod i feriane ber kommunestyret kommunedirektøren sjå på moglegheitene for eit styrka samarbeid mellom barnehage og SFO der dette er samlokalisert.
6. Kommunestyret ber kommunedirektøren sikre at budsjett og økonomiplan frå 2025 også har klimabudsjett.
7. Kommunestyret ber kommunedirektøren kome tilbake med ei sak om korleis vi kan styrke det politiske arbeidet i samband med budsjettprosess, mellom anna gjennom komiteane og å opprette eit finansutval.

Behandling

Røysting:

SP sitt framlegg fall med 6 (SP) mot 17 røyster

AP, MDG, SV og V sitt framlegg vart vedtatt med 13 mot 10 røyster (SP, H)

Formannskapet sitt framlegg, med fellesframlegget frå AP, MDG, SV og V vart vedteke med 13 mot 10 røyster (SP, H).