Møte i Kommunestyret den 15.06.2023

Vedtak

Innkalling og sakliste vert godkjende med følgjande endring:

• KOM-sak 049/23 - “endring av skulekrinsgrensane” vert handsama etter saka om svar på interpellasjon frå MDG (KOM-sak 045/23)
• KOM-sak 061/23 - årsrekneskap for driftsselskapet Dingemoen idrettspark 2022 vert handsama før KOM-sak 060-23 - årsmelding 2022 - Fjaler kommune.

Behandling

Ordføraren fremja følgjande endringsframlegg til saklista:

• KOM-sak 049/23 - “endring av skulekrinsgrensane” vert handsama etter saka om svar på interpellasjon frå MDG (KOM-sak 045/23)
• KOM-sak 061/23 - årsrekneskap for driftsselskapet Dingemoen idrettspark 2022 vert handsama før KOM-sak 060-23 - årsmelding 2022 - Fjaler kommune.

Røysting:

kommunedirektøren sitt framlegg med endringsframlegga vart samrøystes vedteke.

Vedtak

Protokollen frå siste møte vert godkjend.

Behandling

Røysting: samrøystes

Vedtak

Referatsakene vert godkjende.

Behandling

• Mark Taylor (MDG) viser til svar frå departementet om Parisavtalen og oppmodar kommunedirektøren til å ta svaret til vitande.
• Randi Engen (SP) stilte spm om saldo disposisjonsfondet. Økonomisjef svara
• Kommunedirektøren orienterte om oppfølgjing av grunngjevne spørsmål og interpellasjonar frå tidlegare møte.
• Kommunalsjef teknisk orientere om status i saka om gravplassen i Dale.

Vedtak

Kommunestyret ber kommunedirektøren ta interpellasjonen til vitande og arbeide for å redusere det kommunale forbruket i arbeidet med budsjett for 2024

Behandling

Røysting: samrøystes

Vedtak

Kommunestyret godkjenner at Fjaler kommune kan inngå ny festeavtale med Mathias Øen Transport for 10 år for område B1 (64/1/3 og 64/1/5) og B2 (64/4/2). Det skal setjast følgjande vilkår i ny festeavtale:

Festaren skal, ved drift av området og betongblandeverket, innrette si verksemd på ein slik måte at ulempene med støy og støv frå anlegget og transporten til/frå dette vert minst mogleg for omkringliggjande område for både eksisterande og framtidig busetnad. Driftstida skal så langt det let seg gjere haldast til dagtid.

Festar skal sørge for utarbeiding av støysonevurdering for eige område/verksemd inklusiv framlegg til gjennomføring av nødvendige støyreduserande tiltak for å ivareta eit tilfredsstillande støynivå for omkringliggjande område, både eksisterande og framtidig busetnad. Denne vurderinga skal vere utført innan utgangen av 2023.

Festar skal sikre at fare for uakseptable utslepp til elva vert redusert og skal vere nøye på å unngå støyutslepp eller ureinsa utslepp som kan forringe den økologiske tilstanden i den sårbare resipienten.

Vilkår for festeavtalen er at verksemda skal gå i dialog med Fjaler kommune for å bli samde om ny framtidig lokalitet.

Behandling

Leif Jarle Espedal (AP) fremja følgjande felles endringsframlegg frå alle parti til formannskapet sitt vedtak om festeavtalen:

• avtaleperioden vert auka til 5 til 10 år.
• Vilkår for festeavtalen er at verksemda skal gå i dialog med Fjaler kommune for å bli samde om ny framtidig lokalitet.

Røysting under eitt:

Formannskapet sitt framlegg med endringsframlegg vart vedteke med 21 mot 2 røyster (H).

Vedtak

Kommunestyret godkjenner forstudiet i muligheitstudiet for Flekke skule og barnehage.

Kommunestyret vedtek å starte eit forprosjekt for å utgreie alternativa 2, 3 og 11.

Mandat for forprosjekt med kostnadsramme vert lagt fram for kommunestyret for godkjenning.

Behandling

Randi Engen (SP) fremja felles endringsframlegg frå alle parti til formannskapet sitt framlegg:

• utgreiing av alternativ 7 vert teke ut og dermed vert framlegg til vedtak einslydande med kommunedirektøren sitt framlegg

Røysting:

Formannskapet sitt vedtak med endringsframlegget vart vedteke med 21 mot 2 røyster (H).

Vedtak

Kommunestyret vedtek omdisponering av midlar løyvd til prosjekt 2324 forprosjekt til utbetring av Korssundvegen 2020 til å gjere tiltak med å utbetre Korssundvegen i år, dette for å kunne holde vegen køyrbar framover.

Forprosjektet vert innarbeidd i budsjettplanen for 2024.

Behandling

Randi Engen (SP) fremja tilleggsframlegg til kommunedirektøren sitt framlegg:

• forprosjektet vert innarbeidd i budsjettplanen for 2024

Røysting tilleggsframlegget:
tilleggsframlegg vart samrøystes vedteke

Røysting:

Kommunedirektøren sitt framlegg med tilleggsframlegget er samrøystes vedteke.

Vedtak

Skulekrinsgrensane vert ikkje endra

Kommunestyret ber administrasjonen gå i dialog med Vestland fylkeskommune om ei fordeling av skysskostnader. Administrasjonen kjem tilbake til kommunestyret med ny sak som viser resultat av dialog med fylkeskommunen og reelle kostnader ved skyss.

Behandling

Gunhild B. Stang (V) fremja felles alternativt framlegg (V, MDG, H, Uavhengig) og eit felles tilleggsframlegg frå samtlege parti:

1. Kommunedirektøren sitt framlegg med følgjande tilleggspunkt:
   1. Skulekrinsgrensa på Langeland skal gå mellom gardsnummer 125/1 og 125/2.
   2. Samarbeidsavtala skal sikre at barn i øvre Guddal som ynskjer framleis Flekke (eller Dale for ungdom) som sin nærskule og dekking av skuleskyss, vert garantert skuleplass der med enkel administrativt sakshandsaming.
      
2. Kommunestyret ber administrasjonen gå i dialog med Vestland fylkeskommune om ei fordeling av skysskostnader. Administrasjonen kjem tilbake til kommunestyret med ny sak som viser resultat av dialog med fylkeskommunen og reelle kostnader ved skyss.
   

1.røysting:

Det vert først røysta over kommunedirektøren sitt framlegg med tilleggspunkt (1. a og b) mot formannskapet sitt framlegg til vedtak:

Formannskapet sitt framlegg til vedtak vart vedteke med 13 mot 10 røyster (V, H, MDG og uavhengig).

2. røysting:

Røysting over formannskapet sitt framlegg til vedtak med tilleggsframlegg frå samtlege parti under punkt 2:

Formannskapet sitt framlegg med tilleggsframlegga vart samrøystes vedteke.

Vedtak

Leigeavtalen vert godkjent slik den ligg føre.

Behandling

Kommunalsjef for kultur og samfunnsutvikling svara på spørsmål.

Røysting:

Formannskapet sitt framlegg vert vedteke med 21 mot 2 røyster (Habbestad og Løvik).

Vedtak

1. Fjaler kommune prioriterer slik til tilskotsordninga “Tilskot til lokale kulturbygg”
   1. Ungdomshuset Trudvang
   2. Dingemoen skule - kulturhusdelen
   3. Nilsbua - bygging av toalett og kjøkken i tilbygg (skuten)
   4. Ungdomshuset Trudvang - tillegg handikaptoalett

2. Fjaler kommune forskotterer inntil godkjent søknadssum for anlegg c og d . Dette er 102 000 til Nilsbua og 163 000 til Ungdomshuset Trudvang. Forskotteringa vert teken frå disposisjonsfondet.

Behandling

Ida Søderstrøm (SP) og Anne Hopland (SP) stiller spørsmål ved sin habilitet sidan dei høvesvis er nestleiar i Dale ungdomslag og styremedlem i Nilsbua.

Søderstrøm og Hopland tredde frå møtet under handsaming av habilitetsspørsmålet.

Røysting habilitetsspørsmålet:

Kommunestyret vedtok samrøystes at Søderstrøm og Hopland er inhabil i saka jf. fvl. § 6 1.ledd bokstav e.

Ingen vara møtte.

Røysting:

Formannskapet sitt framlegg vart samrøystes vedteke.

Søderstrøm og Hopland tredde inn att møtet.

Vedtak

Saka vert utsett med omsyn til kommunen sin økonomi og vert handsama i samband med økonomiplanarbeidet til hausten.

Behandling

Røysting:

formannskapet sitt framlegg er samrøystes vedteke.

Vedtak

Heilskapleg risiko- og sårbarheitsanalyse for Fjaler kommune vert vedteken slik den ligg føre. Analysen vert med det forankra i kommunestyret i samsvar med krav i Sivilbeskyttelseslova § 14 og Forskrift om kommunal beredskapsplikt § 2.
ROS-analysen vert lagt til grunn for det førebyggjande risiko- og sårbarheitsarbeidet i kommunen.

Behandling

Røysting:

Kommunedirektøren sitt framlegg vart samrøystes vedteke

Vedtak

1. Fjaler kommune ynskjer å vere ein aktiv bidragsytar til at Visit Fjordkysten og Sunnfjord skal oppnå «Merket for Bærekraftig reisemål».

2. Fjaler kommune sluttar seg til handlingsplanen for berekraftig reisemålsutvikling for Visit Fjordkysten og Sunnfjord, slik den framkjem av vedlegg 1.

3. Fjaler kommune vil vere ein aktiv pådrivar for gjennomføring av berekrafttiltak i eiga verksemd

Behandling

Røysting:

kommunedirektøren sitt framlegg vart samrøystes vedteke

Vedtak

Kommunestyret viser til forvaltningsrevisjonsrapport frå Vestland Revisjon – Barnevern datert 2. mai
2023, og tek den til orientering.

1. Kommunestyret ber kommunedirektøren følgje opp tilrådingane i rapporten slik, ved å sikre :
- gode rutiner for internkontroll og eigenkontroll ved sakshandsaming i barnevernet
- evaluering av hjelpetiltak
- beredskap og kvalitetssikring i tenesta for barnevernet
- mindre sårbarheit ved vakanse og fråvær i leiinga

- at aktuelle einingar i kommunen har rutinar for melding til barnevernet

2. Kommunedirektøren informerer kontrollutvalet innan mai 2024, om kva som er gjort i forhold til
oppfølging av tilrådingane i rapporten.

Behandling

Leiar i Kontrollutvalet (Ståle Brattelid) la fram forvaltningsrapporten for barnevernet frå Vestland Revisjon for kommunestyret.

Røysting:

kontrollutvalet sitt framlegg vart samrøystes vedteke.

Vedtak

Kommunestyre tek saka Organisering av næringsarbeidet i Fjaler kommune til vitande. Kommunedirektøren får oppdrag å etablert eit prosjekt for å jobbe vidare med organisering av næringsarbeidet. Ansvar for oppfølging av tiltaksplanen for 2023 vert lagt til prosjektet.

Behandling

Gunhild Berge Stang (V) stilte spørsmål ved sin habilitet sidan ho er dagleg leiar i Sunnfjord Utvikling.

Stang tredde frå møtet under handsaming av habilitetsspørsmålet.

Kommunestyret vedtok samrøystes at Gunhild Berge Stang (V) er inhabil i saka jf. fvl. § 6 1.ledd bokstav e.

Ingen vara møtte.

Røysting:

formannskapet sitt framlegg vart samrøystes vedteke

Stang tredde inn att i møtet.

Vedtak

Kommunestyret vedtek Politisk delegeringsreglement for Fjaler kommune

Behandling

Røysting: samrøystes

Vedtak

Kommunestyret vedtek Strategisk Næringsplan for Fjaler kommune 2023-2027 med desse tillegg:

• styrke Røde Kors Haugland Rehabiliteringssenter som kompetansearbeidsplass innan spesialiserte helseteneste.
  Fleire område ein kan samarbeide på:
  • rekruttering av spesialisert kompetanse
  • kompetanseutvikling og eventuelt prosjekt/forskingsarbeid
    
• Under kapittel 4. Mål og prioriterte satsingsområde, overordna mål: føy til «berekraftig» før «vekst» i andre setninga slik: “Vi skal bidra til å skape berekraftig vekst i næringslivet gjennom å utvikle dei fortrinn og ressursar vi har i Fjaler.”

Behandling

Gunhild Berge Stang (V) stilte spørsmål ved sin habilitet sidan ho er dagleg leiar i Sunnfjord Utvikling som er foreslått i planen som mogleg samarbeidspartnar.

Stang tredde frå møtet under handsaming av habilitetsspørsmålet.

Kommunestyret vedtok samrøystes at Gunhild Berge Stang (V) er inhabil i saka jf. fvl. § 6 1.ledd bokstav e.

Ingen vara møtte.

Røysting:

Formannskapet sitt framlegg med endringspunkt frå kommunedirektøren som erstattar kulepunkt 1 i formannskapet sitt framlegg:

Vedteke med 15 mot 7 røyster (V, Nitter, Habbestad, Løvik).

Stang tredde inn att møtet.

Vedtak

1. 1.tertial tertialrapport 2023 vert vedteken slik den er lagt fram.
2. Revidert driftsbudsjett 2023 vert vedteke i samsvar med bevilgningsskjema 1A og 1B (§5-4) vedlagt i tertialrapporten.
3. Revidert investeringsbudsjett 2023 vert vedteke i samsvar med bevilgningsoversikt investering 2A og 2B (§5-5) vedlagt i tertialrapporten
   

Behandling

Røysting: samrøystes

Vedtak

Årsmeldinga til Fjaler kommune for 2022 vert godkjend slik den ligg føre.

Behandling

Røysting:

Formannskapet sitt framlegg vart samrøystes vedteke

Vedtak

Årsrekneskapen 2022 for Driftsselskapet for Dingemoen idrettspark vart vedteke slik den er lagt fram.

Kommunestyret ber driftsselskapet om å rette feil i årsmeldinga og sende inn ny årsmelding for 2022.

Behandling

Leif Jarle Espedal (AP) opplyste kommunestyret om at årsmeldinga frå driftsselskapet inneheld feil.

Endringsframlegg frå ordføraren:

Årsrekneskapen 2022 for Driftsselskapet for Dingemoen idrettspark vart vedteke slik den er lagt fram.

Kommunestyret ber driftsselskapet om å rette feil i årsmeldinga og sende inn ny årsmelding for 2022.

Røysting: framlegget frå ordføraren vart samrøystes vedteke.

Vedtak

Årsrekneskapen til Fjaler kommune for 2022 vert vedteken slik den er lagt fram.

Behandling

Ole Jacob Nedrebø (SP) fremja tilleggsframlegg:

Kommunestyret ynskjer å redusere kostnaden til kjøp av kommunal brøyting og strøing av private vegar, tilbake til 2022- nivå + KPI-regulering. Reduksjonen vert finansiert ved å bruke inntil ½ mill kr. av overskotet frå 2022, frå disposisjonsfondet. Aktuelle tenestekjøparar må informerast om den nye prissettinga, og dei som ynskjer det må få ein ny sjanse til å abonnere.

Røysting tilleggsframlegg:

Tilleggsframlegget fall med 7 (SP) mot 16 røyster.

Røysting:

formannskapet sitt framlegg vart samrøystes vedteke.

Vedtak

Fjaler kommune løyver inntil kr 125 000 for bæreevnevurdering av Svartefossvegen no i 2023. Løyvinga vert teken frå disposisjonsfond. Oppgradering av Svartefossvegen innarbeidast i ein plan for veg og blir tildelt ei prioritering ut frå andre tiltak til veg. Plan for veg, saman med økonomiplanen fastset når ein kan gjennomføre oppgradering av Svartefossvegen.

Behandling

Røysting:

formannskapet sitt framlegg vart samrøystes vedteke