Møte i Kommunestyret den 16.02.2023

Vedtak

Kommunestyret ber kommunedirektør rette ein førespurnad til relevant departement om følgjande:

Fjaler kommune skal ta vår del av ansvaret for å oppfylle Paris-avtalen. Vi ber regjeringa gjere greie for følgjande:

Kan regjeringa avklare kva slags klimagassutslepp som må reknast som kommunale og kva slags som må reknast som nasjonale, for å avklare kva kommunane har ansvar for?

Skal det vere ei flat fordeling av kutt i klimagassutslepp slik at alle kommunar skal ned 55 prosent innan 2030 eller skal regjeringa leggje føringar for kva slags faktorar som tilseier eit anna prosenttal i den enkelte kommune?

Kan regjeringa avklare om kommunane skal følgje nokre prioriteringar for kvar utsleppskutta bør skje?Kan regjeringa avklare om delar av dette ansvaret ligg på fylkesnivå og dermed vert avgjort på fylkesnivå?

Fjaler kommune ønskjer ei avklaring på desse spørsmåla for å kunne vurdere om vi er på rett veg i dette arbeidet, ikkje minst i samband med revidering av klimaplanen vår, og for å vise vår støtte til regjeringa i det vanskelege arbeidet som ligg framfor oss alle for å oppfylle våre forpliktingar i Paris-avtalen.

Behandling

Framlegget frå Mark Taylor (MDG) slik det går fram av interpellasjonen og ordføraren sitt framlegg vart sett opp mot kvarandre.

Røysting:

MDG sitt framlegg vart vedteke med 11 mot 10 røyster (SP, AP)

Vedtak

Fjaler kommune sender følgjande innspel til KS Debatthefte II – 2023:

Den økonomiske ramma bør fordelast sentralt utan lokale forhandlingar.

Alle kommunale tilsette bør få ein kombinasjon av prosent- og kronetillegg, med ei nedre grense for kva tillegget i krone kan være.

Det må vektleggast at utdanningssektoren ikkje skal ha svakare utvikling enn andre

Behandling

Tilleggsframlegg frå MDG, V, AP, SV og H:

Det må vektleggast at utdanningssektoren ikkje skal ha svakare utvikling enn andre

Kommunedirektøren sitt framlegg og tilleggsframlegget vart røysta under eitt:

Røysting: samrøystes

Vedtak

Prosjektmandat Forstudie muligheitstudie Flekke skule og barnehage vert vedteken slik den ligg føre.

Behandling

Røysting: samrøystes

Vedtak

Kommunestyret tek Tilstandsrapport for grunnskulen 2021 til etterretning.

Behandling

Kommunalsjef oppvekst Ingvard Flekke møtte og svara på spørsmål.

Røysting: samrøystes

Vedtak

Avtalen vert godkjent slik den ligg føre.

Behandling

Røysting:

Formannskapet sitt framlegg vart samrøystes vedteke.

Vedtak

Fjaler kommune forskotterer inntil 900 000 i spelemidlar og inntil 345 000 i meirverdiavgift. Begge summane med forbehold om godkjent søknad frå Vestland fylkeskommune.

Løyvinga vert teken frå disposisjonsfond.

Behandling

Røysting:

Formannskapet sitt framlegg vart samrøystes vedteke

Vedtak

Fjaler kommune forskotterer inntil 733 000 i spelemidlar og inntil 337 600 i meirverdiavgift til Svint IL. Begge summane med forbehold om godkjent søknad frå Vestland fylkeskommune.

Løyvinga vert teken frå disposisjonsfond.

Behandling

Leif Jarle Espedal (AP) stilte spørsmål ved sin habilitet sidan han er initiativtakar til det det planlagde anlegget, og det er plassert på hans eigedom.
Espedal tredde frå møtet under handsaming av habilitetsspørsmålet.

Ordførar la fram følgjande framlegg: Leif Jarle Espedal (AP) er vurdert ugild i denne saka jf. fvl. § 6.

Røysting ordføraren sitt framlegg: samrøystes

Røysting:

formannskapet sitt framlegg vart samrøystes vedtatt.

Vedtak

Kommunestyret vedtek med dette oppstart av plamen “Friluftslivet sine ferdselsårer i Fjaler”. Dette er ein temaplan utan juridisk binding.

Behandling

Hjørdis Åsnes (SP) stilte spørsmål om den Trondhjemske postvegen. Kommunedirektøren svara.

Røysting:

Formannskapet sitt framlegg til vedtak vart samrøystes vedtatt.

Vedtak

Som valstyre vert desse valt:

• Kjetil Felde (leiar)
• Leif Jarle Espedal (nestleiar)
• Arne Osland
• Randi Engen
• Solveig Nitter

Vara:

1. Jostein Jarstad
2. Joakim Janninge
3. Mark Taylor

Kommunestyret delegerer mynde til å oppnemne røystestyra til valstyret jf. vallova § 4-3. Delegeringa vert innarbeidd i Fjaler kommune sitt delegeringsreglement.

Behandling

Valnemnda v/ leiar Randi Engen (SP) presenterte sitt framlegg om medlemmer til valstyret for kommunestyre- og fylkestingsvalet 2023:

faste medlemmer:

• Kjetil Felde (SP)
• Leif Jarle Espedal (AP)
• Arne Osland (V)
• Randi Engen (SP)
• Solveig Nitter (SV)

Varamedlemmer:

• Jostein Jarstad (H)
• Joakim Janninge (SV)
• Mark Taylor (MDG)

Framlegg frå valnemnda om leiar og nestleiar til valstyret for kommunestyre- og fylkestingsval 2023:

• Kjetil Felde (SP)
• Leif Jarle Espedal (AP)

Røysting:

Valnemnda sitt framlegg og kommunedirektøren sitt framlegg om delegering av mynde til oppnemning av røystestyre vart samrøystes vedteke.

Vedtak

Kommunestyret støttar kommunedirektøren si vurdering og konklusjon om at handsaming av utsettingsframlegget under sak 004/23 var lovleg.

Behandling

Røysting: samrøystes

Vedtak

Kommunestyret godkjenner svar på spørsmåla i KS Debatthefte 1

Behandling

Røysting: samrøystes

Vedtak

Fjaler kommune har følgjande merknader til framlegg frå Kommunal- og distriktsdepartementet og Olje- og energidepartementet til endringar i energilova og plan- og bygningslova knytt til vindkraft på land:

Høyringsmerknad 1:

Framlegg til endringar i pbl. § 3-7 er ikkje klare nok. Det vert heller ikkje grunngjeve kva endringane skal bidra til. “Samråd” er ikkje godt nok definert og vil skape uklare situasjonar mellom forvaltingsorgana. “Samråd” burde vore erstatta med “samtykke” frå kommunen.

Høyringsmerknad 2:

Alle avklaringar etter plan- og bygningslova må det vere kommunen som tek stilling til. Det er naudsynt å vere meir presis på kva som skal inngå i ein områdereguleringsplan. Dei samfunnsmessige vurderingane bør vere kopla til planavklaringa og ikkje til NVE si handsaming av konsesjonen.

Behandling

Sak var meldt opp som referatsak (RS 001/23), og vart teke opp til handsaming i møtet.

Røysting: samrøystes